আপডেট:
image

সোনিয়াদা যুব পুরস্কার মনা খুৎশিন্নখ্রে

ইম্ফাল, দিসেম্বর ২৭ : সাহিত্য একাদেমি নিউ দিল্লীনা শীন্দুনা যুব পুরস্কার ২০২২ মনা লান্থোকপগী থৌরম অমা ঙসি নিউ দিল্লীগী তান্সেন মার্গতা লৈবা ত্রিবেনি কলা সঙ্গমদা পাঙথোক্তুনা মণিপুরী লোলগী ওইনা সোনিয়া খুন্দ্রাকপমদা মনা খুৎশিন্নখ্রে। শক্নাইরবী হিন্দীগী অইবী মমতা কালিয়ানা চীফ গেস্ত ওইনা শরুক য়াখিবা অদুদা সাহিত্য একাদেমিগী প্রেসিদেন্ট দাঃ চন্দ্রশেখর কম্বরনা প্রেসিদেন্ট ওইদুনা মনাশিং অদু ইন্দিয়াগী তোঙান তোঙানবা লোলগী নহা ওইরিবা অইবা ২৪দা লান্থোকখি।

মনা অসিগী শেল ওইনা লুপা ৫০,০০০ অমসুং কোরিগী প্লেক অমা ওইনখি। চহী অসিগী ওইনা মণিপুরী লোলনা যুব পুরস্কার এৱার্দ ফংলবী সোনিয়া খুন্দ্রাকপম, কোংবা ক্ষেত্রি লৈকায়দগী খুন্দ্রাকপম কুল্লচন্দ্র (মনোহর সাইগী গুরু) অমুসং রাজ কুমারী কিরনবাল দেবী অনীগী মচানুপীনি। ইং ১৯৮৯ গী এপ্রিল ১৪ দা পোকখিবী সোনিয়া অঙাং ওইরিঙৈদগী ইবা, পাবগী লমদা থৱায় য়াওজরকই। মহাক বেচালার ইন কম্প্যুতর এপ্লিকেসন লোইরে। মহাক্কী ওইনা `মহৌশাগুম` (উপন্যাস) ২০১৭ অমসুং `লোইয়ুম্বা` (উপন্যাস) ২০১৯ ফোঙখ্রে। মহাক্কী লাইরিক ‘লোইয়ুম্বা’ দা যুব পুরস্কার মনা অসি পীরকখিবনি। কালচারেল ফোরাম মণিপুর অমসুং মণিপুরী লিটরেরি সোসাইটিগী লাইফ মেম্বার ওইরিবী সোনিয়ানা মমাঙদা দেবিনা তখেল্লম্বম নীংশিং মনা ফংখিবসু লৈখ্রে।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: