ইন্টারনেসনেল মীতৈ ফোরামনা অনন্ত নাইক উনখ্রে
ইম্ফাল, দিসেম্বর ২৮ : ইন্টারনেসনেল মীতৈ ফোরামগী কনভিনর নিলচন্দ্রনা লুচিংবা মীওই ৫না শাবা ইন্টারনেসনেল মীতৈ ফোরামগী মীওই মঙানা নেসনেল কম্মিসন ফোর সেদ্যুল ত্রাইবসকী মেম্বার অনন্ত নাইককা উনদুনা মেমোরেন্দাম অমদি ডকুমেন্ট পীশিনখ্রে। লোননা মেম্বারশিংনা দিল্লীদা উনসি হায়বদা য়ারম্লে হায়না ফোরাম অসিগী কনভিনার এন নিলচন্দ্রগী চেরোল অমনা ফোঙদোরক্লি।
ফোরাম অসিনা পীশিনখিবা অদুদা য়াওখিবা অশম্বা ৱারীদি ইন্দিয়াগী ওইনা ২০১১গী সেন্সাস রিপোর্টকী মতুংইন্না এস টি পোপ্যুলেসন অসি ১০৪, ৫৪৫, ৭১৬ নি। মসি চাউরাক্না ভেলিগীনা চাদা ৯২ হেল্লি। অদুগা চীংগীনা চাদা ৮নি। খুদম ওইনা হায়রবদা উত্তরখন্দদনা চাদা ২.৯, হিমাচল প্রদেশনা চাদা ৫.৭, জন্মু এন্দ কাশ্মিরনা চাদা ১১.৯ অসিদনি। অদুগা মণিপুরদদি চীংগী মীতনা ত্রাইবস ওই হায়না লান্না লৌই। অদুনা মণিপুরদদি চীংলৈবাক্নি লোক্তাক প্লেটো কৌই, ইলিভেসননা ২৬০০ ফিটনি। অদুগা চাসৎনা ২০০০ ফিটনি। অদুগা মণিপুরী পুম্নমক্কী চীংদা খুন্দারিবশিং অসি এভরেজদা ৩০০০ ফিটরোমতনি।
অদুনা মণিপুরদি অমরোমদা চীংলৈবাক্নি হায়না লৌবা য়ারে। য়ুএননা সেদ্যুল ট্রাইবকী দিফিনিসন অসি তোঙান তোঙান পীরবসু ইন্দিয়াদদি আদিবাসী, ইন্দিজিনাস অমদি য়েলহৌমী ওইবনিনা সেদ্যুল লিষ্টতা চলহনবীয়ু হায়বনি। অদুবু মণিপুরদদি ওন্ন তৈনবদা নোমেদিক রিফ্যুজিশিংবু ফোরেন্নার ওইরবসু চীংদা লৈবনি হায়দুনা সেদ্যুল ত্রাইবনি হায়না পুশিল্লে। অদুনা হৌজিক্তি মদু ককথৎলু হায়না ঈরাং হৌরক্লিবা অসিনি হায়নসু চেরোলদুনা মখা তারি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু