আপডেট:
image

সাহিত্য সেবা সমিটি ককচিংনা চহী খূদিংগী ওইনা পীবা খোরিরোলগী মনা ফংগদবশিংগী মিং লাউথোকখ্রে

ইম্ফাল, নভেশ্বর ২১ : সাহিত্য সেবা সমিটি ককচিং মণিপুরনা চহী খূদিংগী ওইনা পীবা খোরিরোলগী মনা ফংগদবশিংগী মিং ঙসি পাউমীশিংগা উনবগী মীফম অমদা লাউথোকখ্রে। পাউমীশিংগা উনবগী মীফম অদুদা সাহিত্য সেবা সমিটি ককচিং মণিপুরগী মনা রিভিয়্যু কম্মিটিগী মেম্বার কে এস ঐচ বির সাহিত্য একাদেমী এৱার্দীনা মনা ফংগদবশিং অদুগী মমিং লাউথোকখিবনি।

সাহিত্য সেবা সমিটি ককচিং মণিপুরনা চহী খূদিংগী ওইনা পীবা খোরিরোলগী মনা ফংগদবা মীওইশিং অদুদি য়াম্বেম সত্যনা কৎপা দ্রামা, ওটো বাইওগ্রাফি অমসুং এসেগী লাইরিক্তা পীবা য়াম্বেম মনি সাহিত্য মনা ২০২২ দা মংলানসিদা হায়রিবা অটো বাইওগ্রাফি হায়রিবা লাইরিক অসিগী অইবা এম য়াইমা (তয়াইমা) ককচিংদা পীরগনি। য়েন্দ্রেম্বম তবোপ্পীনা কৎপা নোভেল অমসুং সোর্ট ষ্টোরিগী লাইরিক্তা পীবা মনা য়েন্দ্রেম্বম সুরলতা পুরস্কারনা শজিগী লাইরিক্তা হায়না মিংথোনবা ৱাশেম ৱারী (নোভেল) লাইরিক অসিগীদমক লমজাওদা লৈবা চাখোমৈদা পীরগনি হায়রি।

য়েংখোম কেংবনা কৎপা শৈরেংগী লাইরিক্তা পীবা মনা চিংখু মোইরাংলৈমা নীংশিং কবিদাস মনানা অপাইবা তাঙ্গোই শৈরেংগী অইবা মৈ ভগৎ হৈলাকান্দি আসামদা পীরগনি। কে এস ঐচ চাওবান কৎপা অতোপ-অতোপ্পা লোনদগী মনিপুরীদা হন্দোকপা লাইরিক্তা পীবা কে এস ঐচ চাওবা ত্রান্সলেসন এৱার্দনা শ্রীকান্ড লাইরিক্কী মণিপুরীদা হন্দোকপা শ্রীকান্ত লাইরিক হন্দোক্লোই অইবা টি কুঞ্জেশ্বর য়াইরিপোক্তা পীরগনি। কে এস ঐচ বিরনা কৎপা মণিপুরগী মপান্দা অইবা-অইবীদা পীবা মনা কে এস ঐচ নলিনী সাহিত্য মনানা ইমাদা ইবা চিঠি শৈরেংগী লাইরিক্কী ওইবা খোইস্নাম ওংবী বিরলা, আগরতলাদা লৈবদা পীরগনি হায়না লাউথোকখি।

সাহিত্য সেবা সমিটি ককচিং মণিপুরনা পীগদৌরিবা মনাশিং অসিদা শেল ওইনা লুপা লিশিং ১০/১০, শকখঙচে অমমম অমসুং ইনফি অমমম য়াওরি। মনা লান্থোকপগী থৌরম অসি লাক্কদৌরিবা চহী ২০২৩ গী জানুয়ারি ১৫দা পাঙথোক্কদবা সাহিত্য সেবা সমিটি ককচিং মণিপুরগী ৫৬ শুবা মপোক নুমীৎ থৌরমদা লান্থোক্কনি। ঙসি লাউথোকখ্রবা মনা ফংলগদবা, ফংলগদবীশিংনা মশা-মশাগী বাইও দেটা অমদি পাসপোর্ট সাইজ ফোটো অমমম চৎলিবা চহী অসিগী লাক্কদৌরিবা ডিসেম্বর ১৫ ফাওবগী মনুংদা সাহিত্য সেবা সমিটি ককচিং মণিপুরগী সেক্রেটারি কে এস ঐচ জয়কুমারগী ৱাটচএপ নম্বর ৯৩৭৮১১৭৪৬০ দা য়ৌহনবীরকউ হায়নসু ফোঙদোরক্লি।

সাহিত্য সেবা সমিটি ককচিং মণিপুরগী মনা রিভিয়্যু কম্মিটিগী মেম্বার কেংবা য়েংখোম, ডা. নোংমাইথেম প্রমোদিনি অমসুং সাহিত্য সেবা সমিটি ককচিং মণিপুরগী সেক্রেটারি কে এস ঐচ জয়কুমারসু শরুক য়াদুনা পাঙথোকখিবা মনা ফংগদবশিং অদুগী মিং লাউথোকপা থৌরম অদুগা মরী লৈননা কে এস ঐচ বিরনা মখা তানা হায়খি, সাহিত্য সেবা সমিটি ককচিং মণিপুরনা পীবা এৱার্দকীদমক লাইরিক পীশিনবীরিকখিবা অমদি মনা অসি পীননবগীদমক জুরি ওইবীদুনা ৱানা হোৎনবীখিবা খূদিংমকপুসু সমিটিগী মায়কৈদগী থাগৎপা ফোঙদোকচরি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু