সাহিত্যদা নোবেল মনা ফংলবা আব্দুলরাজাক গুরনাহ — আই এস থিংগোম
আব্দুলরাজাক গুরনাহ খােরিলাংবা অমা ওইনা নােভেল তরা খক (১০) অমসুং ৱারীমচা খরগা ইরদুনা মীয়ামনা মাগী সাহিত্যবু মশক খঙবিরবনি। ইংল্যান্ডগী সিটিজেন অমা ওইজরবসু অতোপ্পা লৈবাক কয়াদা থােকলিবা মীচেনগী মরী লৈননা থােকলিবা অৱা-অনা অমসুং খৎন-চৈনবদা য়ুম্ফম ওইবা লাইরিক কয়াসু ইখি। ইখিবা লাইরিকশিংগী মরক্তগী শীংথানিঙাই ওইবা খরদং পল্লবদা “প্যারাডাইস”, “বাই দা সি”, “ডেসার্সন”, “ম্যামোরি অফ ডিপার্চর”, “দা লাষ্ট গিফট্” অসিনচিংবনি।
আব্দুলরাজাক গুরনাহ
কুমশিগী চহী ২০২১গী দমক সাহিত্যদা নোবেল মনা ফংলিবা শক্নাইরবা সাহিত্যকার আব্দুলরাজাক গুরনাহ নোংপোক আফ্রিকাগী তানজানিয়াদা পোকপনি। তানজানিয়া লৈবাক অসি চীংমান মরাং কায়না লৈবনা মহৌশাগী ওইবা শা-উচেক মখল শুনা ফংবা লমদমনি। খৃ. কুমজা ১৯৪৮দা লৈবাক অসিগী জানজিবার কৌবা ঈথৎ অমদা পোকখিবা আব্দুলরাজাক ১৯৬৮দা ইংল্যান্ডদা মীচেন অমা ওইনা লাকখিবনি। ঈথৎ অসিগী ৯৯% মুসলিমশিংনা জানজিবারদা খুন্দারবসু রাজাকনা অঙাং ওইনা মরমদম থাদোক্তুনা লাকখিবসি ১৯৬৮দা হৌরকখিবা কাঙলুপকী ঈরাংদগীনি। তৌববুদি তানজানিয়াগী অপুনবা মীশিংগী ৬০% দি খৃষ্টান ঙাক্তনি। মশাগী চহী ২১ শুরকপদগী হৌনা সাহিত্যদা খুৎথাবা হৌরকপনি। ইংরেজিদনা হেন্না খুৎলোয়বা হায়বদু ওইরকখি। মহাক মশামকশু মীচেন ওইরকপা, ময়ুম-মকৈ মথোং মরম নাইরক্তবা, শাইদাংদুনা লৈরকপনা রিফ্যুজিগী পুন্সি মরেলসিদা ইবতনা মাগী অপাম্বা ওইখি। মীচেনগী পুন্সিদা থেংনরিবা অৱা-অনা, মখল মখাগী চৈথেংশীং অদুগী মরমদা ইবদা হৈনখিবনা মাগী সাহিত্যগী মতিক ময়াই ফুদোরকপা হেনগৎলকখি।
ইংল্যান্ডদগী কেন্ট য়ুনিভার্সিটিদা পােষ্ট কােলোনিয়েল লিটেরেচরগী প্রােফেসর অমা ওইনা থবক তৌরম্বদগী
হন্দক্তা রিটায়ার্ড ওইবনি। পন্বা য়াবদি আব্দুল রাজাক গুরনাহনা খৃ. কুমজা ১৯৮২দা য়ুনিভার্সিটি অসিমক্তদা criteria in the criticism of west African fiction. হায়বসিদা পি.এইচ.ডি ফংখিবনি। য়াম্না ঙক্নিঙাই ওইবা ৱাফমদি গুরনাহগী ফেমিলীগী মরমদা করিমত্তা খঙবা ঙমদবসিনি। মহাক্কি নুংশিজবী অমা লৈরম্লগসু নুপী থিখিদে হায়না ময়াম্না খংনরি। মরান্নাই ৱাফমবু লােৎতুনা থম্বা, সােসিয়েল মিডিয়াদা একটিভ ওইদবা মীওইনি হায়নবসু ময়েক শেংনা খঙনরবনি।
আব্দুলরাজাক গুরনাহ খােরিলাংবা অমা ওইনা নােভেল তরা খক (১০) অমসুং ৱারীমচা খরগা ইরদুনা মীয়ামনা মাগী সাহিত্যবু মশক খঙবিরবনি। ইংল্যান্ডগী সিটিজেন অমা ওইজরবসু অতোপ্পা লৈবাক কয়াদা থােকলিবা মীচেনগী মরী লৈননা থােকলিবা অৱা-অনা অমসুং খৎন-চৈনবদা য়ুম্ফম ওইবা লাইরিক কয়াসু ইখি। ইখিবা লাইরিকশিংগী মরক্তগী শীংথানিঙাই ওইবা খরদং পল্লবদা “প্যারাডাইস”, “বাই দা সি”, “ডেসার্সন”, “ম্যামোরি অফ ডিপার্চর”, “দা লাষ্ট গিফট্” অসিনচিংবনি।
লেমজনিংঙাই ওইরবা বুকার
প্রাইজ অমসুং অতৈ মনাদগীদমক মাগী লাইরিক অহুমখক খনগৎলবসু মনা ফংদদুনা লৈরকপনি। খৃ.কুমজা ২০০৬দা মহাক ফেলো অফ দা রয়েল সােসাইটি অফ লিটরেচর ওইনা খনগৎখি। কুমসি চহী ২০২১গী নােবেল মনাগীদমক খনগৎলকপা অসিদা এন্ডার্স গুলশন, চেয়ারম্যান নােবেল কমিটিনা ফােঙদোকখিবদি One of the world`s most prominent post colonial writers. হায়বদি মীচেন অমসুং শাইদাংবশিংগী দমক্তা ইবদা থােইদোক হেন্দোকপা খুৎমাবনি হায়বনি। প্যারাডাইস হায়রিবা ৱারীমপুম লাইরিক অসিদা মনা অসি পীরকপগী মরম্না লাইরিক অসিগী মমলসু খংহেন হেনগৎলকখি। করিগীদমক আব্দুল রাজাকতা নােবেল মনা পীগদৌবনো হায়বগী মতাংদা সুইডিস একাডেমীনা লাওথোকখিবদি শাইদাংবশিংগী চঙজফম পীনবগীদমক মীগী মীনুংশি চেনবগী ৱাখল্লোন অদুগীদমক শক খঙলিবনি। একাডেমীগী লােন্দা হায়রগা “The award was in recognition of Gurnah`s ‘Uncompromising and compassionate penetration of the effects of colonialism and the fate of the refugee in the gulf between cultures and continents”.
0 কমেন্ট:
কমেন্ট তৌবিয়ু