• 657
• ২৪শে ডিসেম্বর ২০২৩ ইং
• Share on:

লিতরেরি এৱার্দ-২০২৩ লান্থোকখ্রে

ইম্ফাল, দিসেম্বর ২৩ : ককচীং দিস্ত্রিক্তকী মনুং চন্না লৈবা ময়েং-লমজাও মখা লৈকায়দগী থোইদোক্না মীয়াম্না ‘চা খোম্মৈ’ হায়রগা খঙনবা অইবা চান্দম খোম্মৈ সিংহদা ঙসি চহীসিগী লেমজনীংঙাই ওইরবা খম্বা-থোইবী লিতরেরি এৱার্দ-২০২৩ লান্থোক্তুনা ইকায় খুম্নবা ঊৎখ্রে।

ক্কাদ রাইটার্স, মোইরাংনা শিন্দুনা ঙসি মেজোর খুলদা লৈবা মণিপুর প্রেস ক্লাবতা পাঙথোকখিবা এৱার্দ লান্থোকপগী থৌরম অদুদা মোইরাং এ সিগী এম এল এ থোংঙাম শান্তিনা চীফ গেস্ত, মণিপুর লিতরেরী সোসাইতিগী প্রেসিদেন্ত নোংমাইথেম কিরনকুমারনা প্রেসিদেন্ত, সাহিত্য একাদেমী এৱার্দি দাঃ সগোলসেম লনচেনবা অমসুং সোসিয়েল ৱার্কর দাঃ তি ঐচ সুরনাকুমারন গেস্ত ওব ওনরশিং ওইনা শরুক য়াখি।

ঙসিগী থৌরম অদুগা মরী লৈননা সলাম তোম্বনা ইবা ‘তৌবুল দায়রি’ অমসুং ‘নঙনা চৎখিবা লম্বীদা’ হায়না মিংথোনবা লাইরিক অনী অসিসু ফোঙখি। লোয়ননা ব্রহ্মপুর লালজি লাকপা লৈকায়দগী খোংজোম পর্ব্ব শৈশকপী শক্নায়রবী খুমন্থেম সুন্দরী দেবী অমসুং নম্বোল অৱাংদগী অইবা দাঃ এল কামিনিকান্ত অনীবুসু তরাম্না ওকখি।

সোর্স: পোক্নফম