আপডেট:
image

রিসার্ছ ফোরাম মণিপুরগী মপোক কুমওনদা লাইরিক ফোঙখ্রে

ইম্ফাল, নভেম্বর ২১ : রিসার্ছ ফোরাম, মণিপুর (রিফোর্ম) গী ১৬ শুবা মপোক কুমওন ঙসি মণিপুর প্রেস ক্লাব, ইম্ফালদা পাঙথোকখ্রে। থৌরম অসিগী মনুং চন্না নিংথৌজম বীরচন্দ্রনা ইবা ‘ঐখোয়গী লনগৈ চীং’ (থাংজিং চীং, কৌব্রু চীং অমসুং নোংমাইজিং চীং) হায়না মিংথোনবা লাইরিক অমসু ফোঙখ্রে। হায়রিবা থৌরম অসিদা মণিপুরী য়ুনিভার্সিটি ওব কালচারগী ভাইস চ্যাঞ্চেলর প্রো” পাউনম গুণিন্দ্রো, রিফোর্মগী ভাইস প্রেসিদেন্ট প্রো: চিংঙাখম ইবোহল মৈতৈ, রিফোর্মগী ফাওন্দার প্রেসিদেন্ট দা: নিংথৌজম বীরচন্দ্র অমসুং রিফোর্মগী ফোর্মার প্রেসিদেন্ট মুতুৱা বাহাদুরনা প্রেসিদিয়াম মেম্বারশিং ওইখি হায়রি।

থৌরম অদুদা প্রোফেসর গুনিন্দ্রোনা হায়, চীংগী লম য়াওনা ঐখোয়গী লমদম অসিগী মফম কয়াদা নুংদা ইরম্বা ময়েকশিং অমসুং শেনয়েকশিং অসিনা লমদম অসি অঙনবা মতমদগী খুন্দারকখিবা লমদম অমনি হায়বদু তাকই। মালেম অসিদা পূন্না লোল লীশীং ৬ খরা হেন্না লৈ। মসিগী মনুং দা মশাগী খূৎই ময়েক লৈজবা অসি লোল চাম্মা ফাদে। অদুবু মণিপুরদি মশাগী ময়েক লৈজবা লমদমনি হায়বসি মশাগী খূৎই ময়েক, শেনয়েক লৈজবা, স্টোন ইন্সক্রিপসন্নচিংবা অসিনা ঐখোয়গী লেংদ্রবা প্রমান অমা ওইরি।

মশাগী খূৎই ময়েক লৈজবা মশাগী পুৱারী চহী লীশীং অনীগী লৈজবা অদুগুম্বা লমদম অমনা মশাগী খুৎই ময়েক অদু থাদোক্লগা অতোপ্পগী ময়েক অদুবু ঐখোয়গীনি খল্লগা শীজিন্নরম্বা অসি পুৱারীদা য়াম্না তাঙবা থৌদোক অমনি। ঐখোয়গী লৈজরিবা ময়াম অসি মালেমগী মীয়ামদা হেন্না খঙহন্নবা থিজিনবা য়াম্না দরকার ওই। রিফোর্ম অমসুং মসিগা মান্নাবা অতোপ্পা সংস্থানশিং অসিনা তৌরিবা ময়াম অসি পূক্নিং থৌগৎনিংঙাইনি হায়নসু মহাক্না হায়খি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু