মীতৈ মৈতৈ ত্রাইব য়ুনিয়নগী অনৌবা লাইরিক অমসু ফোঙখ্রে
ইম্ফাল, জুলাই ১৯ : মীতৈ/মৈতৈ ত্রাইব য়ুনিয়ন্না পুথোকপা ‘এ মেমোরেন্দম ফোর ইনক্লুজন/রেস্তোরেসন ওব মীতৈ/মৈতৈ কম্যুনিতি ইন দি লিস্ত ওব সেদ্যুল ত্রাইবস ওব মণিপুর’ হায়না মিংথোনবা লাইরিক অমসু ঙসি দি আই পি আর (দিরেক্তোরেত ওব ইনফোর্মেসন এন্দ পব্লিক রিলেসন্স) গী ওদিতোরিয়ামদা ফোঙখ্রে।
লাইরিক ফোঙবগী থৌরম অদুদা ইম্ফাল ওয়েস্ত জিলা পরিষদকী অদ্যক্ষ লাইশ্রম বোবীনা চীফ গেস্ত, মীতৈ/মৈতৈ ত্রাইব যুনিয়নগী প্রেসিদেন্ত সলাম গৌরকিশ্বোর সিংহনা প্রেসিদেন্ত অমসুং মণিপুর য়ুনিবর্সিতিগী দিপার্তমেন্ত ওব লোগী হেদ এসোসিএত প্রোফেসার য়ুম্নাম প্রেমানন্দ সিংহনা গেস্ত ওব ওনর ওইখি।
থৌরম অদুদা মীতৈ/মৈতৈ ত্রাইব য়ুনিয়নগী সেক্রেতরি (এদমিনিস্ত্রেসন) মুতুম চুরামণিনা হায়খি, য়ুনিয়ন অসিনা ঙসি ফাওবদা সোসিও-ইকনোমিক সার্বে রিপোর্ত, এথনোগ্রাফিক ওব মৈতৈনচিংবা তোঙান তোঙানবা লাইরিক কয়া ফোঙখ্রে। ঙসি ফোঙলিবা লাইরিক অসি অরিবা বৃতিশকী লাইরিক ইবা ময়াম অমদি সেন্সসকী রেকোর্দশিং রিসার্ছ তৌবা কয়া অদু খোমজিল্লগা পুথোকপনি।
মণিপুরদা ইলিগেল ইমিগ্রেন্তশিংনা চঙলক্লগা অরানবা কয়া অমা নৌনা হৌগৎলক্লিবা ৱারী কয়া তম্লগা লাকপা, হৌরক্লিবা ইচা-ইশুশিংনা অচুম্বদু করিনো খঙদনা লৈরকপদু লাইরিক অসিনা মায়ওন অমা চুম্বা ঙমগনি খল্লি। লমদম অসিগী ওইবা এদজুকেসনগী লাইরিক তম্বদা য়াওদবনা খঙলক্তবশিং অদু লাইরিক অসিদা ময়েক শেংনা লাক্লগনি।
ঐখোয় পুৱারীবু শেমদোক-শাদোক্নবা হোৎনদুনা অরানবা কয়ানা অচুম্বা শারগা লাকপশিং অদু লাইরিক অসিদা ময়েক শেংনা য়াওরগনি। লাক্লিবা মীরোল অসিনা মথৌনা লৈনা চোংথোক্তুনা ঐখৈায়গী ফুরুপ অসিগীদমক হোৎনফম থোকই হায়বা ঈথল অমসু লাইরিক অসিনা পীবা ঙমগনি হায়না চুরামণিনা ফোঙদোকখি।
সোর্স: পোক্নফম
0 কমেন্ট:
কমেন্ট তৌবিয়ু