মীতৈ আইদেন্তিতিগী মতাঙদা ৱার্ল্ড মীতৈ কাউন্সিলনা মেমোরেন্দম পীশিনখ্রে
ইম্ফাল, আগস্ত ১৭ : কুমজা ২০২৬ তগী হৌগদৌরিবা ইন্দিয়া পূম্বগী কাস্ত সেন্সসকা মরী লৈননা তৌগদৌরিবা কাস্তত সেন্সসতা মীতৈগী আইদেন্তিতিগা মরী লৈননা দিরেক্তর ওব সেন্সস ওপরেসন, মণিপুর অমসুং রেজিস্ত্রার জেনরেল এন্দ সেন্সস কমিস্নার ওব ইন্দিয়া, দিল্লী অনীমক্তা ৱার্ল্ড মীতৈ কাউন্সিলনা মেমোরেন্দম পীশিনখ্রে।
ৱার্ল্ড মীতৈ কাউন্সিলগী সেন্ত্রেল একজিক্যুতিব কমিতিগী সেক্রেতরি জেনরেল য়াম্বেম অরুন মীতৈগী চেরোল অমনা ফোঙদোরকপদা মেমোরেন্দম অদুদা মপূং ওইনা পল্লিবা ৱাফমদি কাস্ত সেন্সস অসিদা য়েলহৌমী মীতৈবু অমত্তা ওইনা শক তাক্নবা মীতৈ আইদেন্তিতিগী ৱারোলনি। মমাঙানা হিন্দু লাইনিংনা মরম ওইরগা অমত্তা ওইবা ইবুধেও পাখংবগী চাদা নৌদা ওইরিবা মীতৈ ঐখোয়সি মচেৎ মচেৎ, তোখায় তোখায় খাইদোক্লমবসিনা ঙসি ফাওবা মীতৈশিংগী মরক্তা অচৌ মচা, অনেম অৱাংগী ৱাখল পীকখ্রবা লাখ খরা ওইবা, নিউ দিল্লীগী কনস্তিত্যুএন্সিদা লৈবা মীশিং ফাওবা য়ৌদবা ঐখোয়গী মরক্তা মচোয় মচোয় তাখিবগী অৱাবদু ঙসিদি হেন্না হেন্না লুশিল্লক্লে।
মীতৈ মরক্তা ইন্দিয়ন কনস্তিত্যুসনগী মতুং ইন্নসু খরনা জেনরেল কাস্ত, খরনা সেদ্যুল্ড কাস্ত হায়না খায়বোক্তনা খায়দোক্লি। মসিমক মীতৈ ঐখোয়গী য়াম্ন লাইবক থীবনি।
হৌখিবনা হৌখ্রে হৌজিক পাঙথোক্কদৌরিবা কাস্ত সেন্সস অসিদদি হৌখিবা অরানবা অদু চুমথোক্নবা মীতৈ পূম্নমক অমত্তা ওইনা মীতৈ ঐখোয়গী কাস্ত অসি য়েলহৌমী নৎত্রগা ইংলিশতা ইন্দিজিনান নৎত্রগা সংস্কৃত্তা আদিবাসি হায়দুনা মীতৈ পূম্নমকপু ইন্দিয়া পূম্বগী কাস্ত মশক তাক্কদৌরিবা অসিদা মণিপুরগী সেন্সসকী অথোরিতি অমসুং লৈবাক মীয়াম্না শোয়ফদনা মীতৈসি অমত্তনি হায়না শক তাক্কদবা য়াদবা থৌদাংনি হায়না ফোংদোরক্লি। করিগুম্বা হন্দক্কী মতাঙ অসিদা ঐখৈায়গী আইদেন্তিতি অসি চুমথোক হৌদ্রবদি মীতৈ ঐখোয় অমত্তা ওইনা খোমজিন্নবা হোৎনবদা অরেম্বদা তাগনি।
য়াম্বেম অরুন মীতৈগী চেরোল অসিনা মখা তানা ফোঙদোরকপদা, ইন্দিয়াগী কনস্তিত্যুসন্নসু মীতৈশিংবু নাগাশিংদা, মিজোশিংদা, খোংজাইশিংদ, খাশিশিংদা, ত্রিপুরীশিংদা, অরুনাচলীশিংদা অসিনচিংবশিংদা পীরিবা ঙাক্লৌ অমত্তা মীতৈ ঐখোয়দা পীবা লৈত্রি। মসি পূম্বা অসি ঐখোয়না থেংননবা তঙাইফদনা মীতৈ ঐখোয় পূম্নমক অমত্তনি হায়বসি লাক্লিবা ভারত পূম্বগী কাস্তা সেন্সস অসিগী খুদোংচাবসি লৌদনা মীতৈ ঐখোয়গী আইদেন্তিতি অমত্তনি, খরনা লোইনি, খরনা ক্ষেত্রিয়ানি হায়রিবসি পুমথোক্তুনা মীতৈদি অমত্তনি, অনীশুদে হায়বগী পূক্নিং ৱাখল শাগৎলসি হায়না লৈবাক মীয়ামদা ৱার্ল্ড মীতৈ কাউন্সিলনা হায়জরি।
সোর্স: পোক্নফম
0 কমেন্ট:
কমেন্ট তৌবিয়ু