মায়ানমারদা নিঙোল চাক্কৌবগী থৌরম পাঙথোকখ্রে
ইম্ফাল, নভেম্বর ০৭ : মায়ানমার (বার্মা) দা খুন্দারিবা মৈতৈশিংনা হিয়াঙ্গৈগী নীনি পানবা নুমীৎ অসিনা লকপদা নিঙোল চাক্কৌবগী থৌরম পাঙথোকখ্রে হায়না মায়ানমার মৈতৈ ডিভেলপমেন্ট এসোসিয়েশনগী ফাউন্ডার মেম্বার এন জি নেমিননা থাদোরকপা চেরোল অমনা ফোঙদোরক্লি। চেরোল অসিনা হায়, বার্মা লমদমগী অৱাং নোংচুপ থংবদা খুন্দারিবা মৈতৈ ফুরুপকী খুলশিংদা নিঙোল চাক্কৌবা পাঙথোকখ্রে।
সৈগাং ডিবিশনগী হকামতি/খমথি ডিষ্ট্রিক্ট, হোমলিন টাউনশিপকী মনুং চন্না লৈরিবা নীংথি তুরেল মপালদা খুন্দারিবা টিয়েংসিয়েনগোন/টেকসিখোং খুল অসিদা মৈতৈগী তৎন-থানবা য়াদ্রবা হিয়াঙ্গৈগী নীনি পানবা নিঙোল চাক্কৌবনা লাকপদা লৈত-লায়রবা ইমুং-মনুং কয়ানসু ইমা-ইবেল, মচে-মচল কয়া নিঙোল চাক্কৌদুনা অঙম-অঙম্বা খুদোলপোৎশিং পীখি। মফম অসি লম্বী-থোং ফৎতবনা চৎথোক-চৎশিন কয়া অমা খুদোংচাদবা মায়োক্নরি। মৈতৈগী ওইবা ফিজোল অমদি চৎনবী কয়া মুৎলকপগী ফীভমদা লাকপনা মৈতৈ ফুরুপচা কয়া অমসু মীপায়নরি। নিঙোল চাক্কৌবনা লাকপদা মফম কয়াদা খুন্দারিবা মৈতৈ, মীতৈ ফুরুপচা নিঙোল ওইবীশিংগী মফমদা য়াইফ পাউজেল পীজরি। লোয়ননা নুংঙাই য়াইফবা, নাদ-য়েক্তবা, পুন্সি-নুংশাংনা ৱাৎত-পাদনা ঈংনা চিক্না পানবা ওইরসনু হায়নসু চেরোলদুনা মখা তানা ফোঙদোরক্লি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু