মণিপুর লৈঙাক্না এপ্রিল ১৬, ১৯৮০ দা ময়েক ২৭ পু ‘রি-এফর্ম’ তৌখ্রবা মতুংদা এদ্যুকেসন মিনিষ্টারনা য়েংশিন্নবা কম্মিটি শেমগনি হায়রিবসি করি অরোনবা লৈবগে : আই এম এম টি আর আই
ইম্ফাল, মার্চ ০৫ : থা অসিগী ৩দা স্পিাকারনা সাইনে-দাই এদজোর্ন তৌখিবা ১২ শুবা মণিপুর লেজিসলেটিভ এসেমব্লিগী অহুমশুবা মীফমগী অনীশুবা শরুক (বজেট সেসন) গী মনুংদা মীতৈ ময়েক্কী মতাংদা হাউসতা খন্নখিবা ৱাফম অমগা মরী লৈননা এদ্যুকেসন মিনিষ্টার থৌনাওজম বসন্তকুমারনা ‘য়েংশিন্নবা কম্মিটি অমা শেম্লগনি’ হায়বগী ৱাফম ফোংদোকখিবগী মতাংদা ইন্টারনেসনেল মীতৈ ময়েক ট্রেনিং এন্দ রিসার্স ইন্সটিট্যুট (আই এম এম টি আর আই), নাওরেমথোং শামুশঙ লাইরেম্বী লৈরক্কী মায়কৈদগী ৱাফম খরা থম্লক্লি।
ইন্টারনেসনেল মীতৈ ময়েক ট্রেনিং এন্দ রিসার্স ইন্সটিট্যুট অসিগী সেক্রেটারি প্রোফেসর চুংখাম রোজিৎকী চেরোল অমনা হায়বদা মীতৈ ময়েক লেপ্নবা ইহান হান্না তৌখিবা ষ্টেট লেভেল কনফারেন্স অদুনা ‘ময়েক লুপতিন’-১৯৫৮ নি হায়রি। অনীশুবদা কুমজা ১৯৬৯ গী ‘ময়েক্কী কনফারেন্স’ অসিনি হায়রি। মথংদনা কুমজা ১৯৭৬ তা ‘রাইটার্স কনফারেন্স’ নি হায়বগা লোয়ননা মসিগী মথংদা কুমজা ১৯৭৮ দনা মণিপুর লৈঙাক্না ‘মীতৈ ময়েক এক্সপার্ট কম্মিটি’ শেমদুনা থা ৯ চুপ্না সেসন ২৪ রক ফমদুনা ময়েক ২৭ অমসুং মসিগা শাগোন্নবা চৈতপ, লোনসুম, চৈশিং ময়েক্নচিংবা মপূং ফানা পুথোক্তুনা ঙসি ঙসিমক হায়রিবা ময়েক অসি চৎনরক্লিবনি হায়রি।
লোয়ননা কুমজা ১৯৭৯ গী আগস্ট ৬ তা ময়েক লেপখিবা মরম্না তম্ননবা ময়েক লেপখিবা অসি হৌজিক চহী ৪৪ শুরক্লে। কুমজা ১৯৮০ দা মণিপুর গেজেটতা ফোঙদুনা ক্লাস ফোর অমসুং ক্লাস এইটতা তম্বা হৌরকখিবসু চহী ৪২ শুরক্লে। অদুগা ক্লাস ওয়ানদগী তম্লকপনা মীতৈ ময়েক তম্লকপা চহী ২০ শুজিল্লক্লে। মরম অসিনা হৌজিক্তি মহৈরোয় লাখ কয়ামরুমনা মাষ্টারসকী থাক ফাওবদা তমখ্রবনি হায়রি।
ইন্সটিট্যুট অসিগী সেক্রেটারিগী মায়কৈদগী মখা তানা ফোঙদোরকপদা এক্স এদ্যুকেসন মিনিষ্টার ৱাই ইরাবোতনা লৈঙাক্কী মায়কৈদগী জানুয়ারি ৯, ১৯৮৯ দা ওর্দার নম্বর ১/২/৭৮-এস এস/ই থোক্তুনা মীতৈ ময়েক ২৭ অসিবু রিভিয়ু তৌনবা লোন্না হোৎনরমখি। বেঙ্গলি ময়েক্তগী লৌবা ময়েকশিং হাপচিল্লগা মীতৈ ময়েকপু বেঙ্গলি ময়েক্তগী শেমদোকপনি হায়নবা হোৎনরে খঙনরকপদগী ওর্দার থোক্লবসু থবক ওইনা পাঙথোকপা ঙমদনা তোকখিবনি হায়রি।
অদুগা এদ্যুকেসন মিনিষ্টার ওইরম্বা ঐচ থোইথোইনসু অমুক ময়েক শেমদোক্নবা রিভিয়ূ কম্মিটি শেম্বা হৌরকপদা ওল্ড এসেমব্লি হোলদা কাছারদগী লাকপা মীহুৎশিংনা মিনিষ্টার থোইথোই শেল চারে, লুপা লাখ কয়া লৌরুরে হায়দুনা হোল কায়বমখৈ লাউনরকপদগী শেম্বা ঙমদদুনা তোকখিবনি হায়রি। লোয়ননা মীতৈ মরুপকী প্রেসিদেন্টনা ময়েক ২৭ অসিগী ৱারেপ অসি ষ্টে তৌবীযু হায়দুনা থাবা কেসকী মতাংদা মতম অদুগী গুৱাহাটি হায় কোর্ট ইম্ফাল বেঞ্চনা ফেব্রুয়ারি ২১, ১৯৮৩দা পীখিবা ওর্দারদা ফোঙদোকখিবশিংনা ‘উই দু নোট ফাইন্দ এনি মেরিট ইন দিস এপ্লিকেসন টু অলাও দি পিটিস্নার টু ওবটেন এ ষ্টে ওর্দার এট দিস ষ্টেজ’ হায়বসিনি হায়রি।
মরম অসিনা মীতৈ মরুপকী প্রেসিদেন্টনা ময়েক ২৭ পু চৎনহনবগী ওর্দার ষ্টে তৌবীয়ু হায়দুনা হায় কোর্টতা ৱাকৎলকখিবা অদু ওর্দর অসি পীরকপদগী মায়থীখিবনি হায়রি। লাইবক থীবদি এদ্যুকেসন মিনিষ্টার ওইরম্বা এক্স মিনিষ্টার ইরাবতসু, থোইথোইসু থংনবা ইলেক্সনদা ভোট কারকখিদে। পোলিটিকল করিয়রসু তপ্না তপ্না লোইশিনখি হায়রদুনা মথংদা হৌজিক ইকায়খুম্নজরিবা এদ্যুকেসন মিনিষ্টার থৌনাওজম বসন্তকুমারনা অমুক ওইরকপগী মমি তম্বা হৌরক্লে। এদ্যুকেসন মিনিষ্টারনা রিএগজামিন তৌনবা কম্মিটি শেমগনি হায়রিবা অদু অদুগুম্বা কম্মিটি অদুদি কুমজা ১৯৯৬তা শেমখ্রে। কম্মিটি অদুসু মতম অদুগী হায় কোর্টনা শেম্নবা মণিপুর লৈঙাক লোয়শঙদা দিরেক্সন পীরকখিবদগী শেম্বনি। রি-এগজামিন তৌবা লোইখিবগী মতুংদা মণিপুর লৈঙাক্কী মায়কৈদগী গেজেট নোটিফিকেশন (এক্সট্রা ওর্দিনারি) অমা দিসেম্বর ৪, ১৯৯৬ তা মতম অদুগী কম্মিস্নার (এদ্যুকেসন) পি সরতচন্দ্রগী মায়কৈদগী থোকখ্রে।
গেজেট নোটিফিকেসন অদুনা ফোঙদোকখিবগী মতুংইন্না গৌহাটি হায় কোর্ট ইম্ফাল বেঞ্চনা সিভিল রুল নম্বর ১০০ ওব ১৯৮২ অমসুং সিভিল রুল নম্বর ১০৬ ওফ ১৯৮৩ গা মরী লৈননা নবেম্বর ৬, ১৯৯৫ দা পীখিবা ওর্দার অমদা মণিপুর লৈঙাক্তা মীতৈ ময়েক্কী শেমদোক শাদোক্তুনা চুমথোকপা অমসুং অয়াবা পীনবগী মতাংদা অপোকপা মরুপ অমসুং মীতৈ মরুপকা তান্নদুনা রি-এগজামিন তৌননবা খঙহনখি। লোয়ননা কোর্টকী দিরেক্সন মতুংইন্না অপোকপা মরুপ অমসুং মীতৈ মরুপকা খুৎশম্নদুনা মণিপুর লৈঙাক্না সেপ্টেম্বর ২০, ১৯৯৬ তা থোকপা ওর্দার নম্বর ৫/১২/৮৯-এস/এস ই (ঐচ সী-১) গী মতুং ইন্না এক্সপার্ট কম্মিটি অমা রি কন্সটিট্যুট তৌরে। লোয়ননা নুমিৎ অসিদা কন্সটিট্যুট তৌবা এক্সপার্ট কম্মিটিনা ওক্টোবর ১০, ১৯৯৬ তা চৎনরক্লিবা ময়েক ২৭ পু রেকমেন্দ তৌরে হায়খি।
মরম অসিনা ইন্টারনেসনেল মীতে ময়েক ত্রেনিং এন্দ রিসস ইন্সটিট্যুটকী মায়কৈদগী মখা তানা হায়রিবনা ময়েক ২৭ অসি গেজেট নোটিফিকেসন অসিগী মতুংইন্না রি-এগজাম তৌখ্রে হায়বসু খঙলে। মীতে ময়েক ২৭ অসি অমুক হন্না চেৎশিনখ্রে অমসুং রি-এফর্ম তৌখ্রে। লোয়ননা ময়েক অসিদি লৈঙাক্না লেপত্রিঙৈদগী হৌনা কুমজা ১৯৬৯ দগী ময়েক অসি বাংলাদেশ অমসুং ম্যান্মারনচিংবদা তম্বীদুনা লাক্লবা ইন্সটিট্যুট অসিনা খঙনীংলিবদি হন্দক্কী এসেমব্লি মীফমদা এদ্যুকেসন মিনিষ্টারনা ফোঙদোকখ্রিবা ৱাফম অদুগী করি অরোনবা অমা লৈরবগে হায়বসিনি হায়রি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু