মণিপুর ভায়োলেন্সকি মায়োক্তা নিউ ইয়র্কতা মৈতৈশিংগি অকনবা খোঙজং
মিরর ডেস্কঃ জুন ২১: মণিপুরদা কাংলুপ অনিগী মনুংদা থা অমা মখাইরোম হেন্না চত্থরক্লিবা কাপ্নবা অমদি য়ুম-কৈ মৈ থাবনা চিংবা হিংসাগী থৌদোক অসিগী মায়োক্তা মালেমগী মফম কয়াদা পাংথোকখিবা পীস র্যালী, সলিডারিটি প্রোগ্রামনা চীংবা খোঙজং কয়াগী মতৌগুম আমেরিকাগী নিউ ইয়র্কতসু 'নোর্থ আমেরিকান বাংলাদেশ মণিপুরী সোসাইটি'না শিনলাংদুনা সলিডারিটিগী প্রোগ্রাম অমা ঙসি পাংথোকখ্রে।
আমেরিকাগী নিউ ইয়র্কতা 'নোর্থ আমেরিকান বাংলাদেশ মণিপুরী সোসাইটি'না শিনলাংদুনা পাংথোকখিবা পীস র্যালী
ইন্ডিয়াগী প্রধানমন্ত্রী নরেন্দ্র মোদীগী আমেরিকা খোংচৎকি তাঞ্জা অদুদা মহাক্কী মীৎয়েং চিংসিনবা ওইনা নিউ ইয়র্কতা লৈবা ইউএন হেডকোয়ার্টারগী হেক মমাং মক্তদা ফোরটি সেকেন্ড স্ট্রিট, গ্র্যান সেন্ট্রেল স্টেশন, ম্যানহাটনদা ‘নোর্থ আমেরিকান বাংলাদেশ মণিপুরী সোসাইটি'গী লুচিং মখাদা নিউ ইয়র্কতা লৈবা মৈতৈ ময়াম্না থৌরম অসে পাংথোকখিবনি। খোঙজং অসি চংশিনবগী থৌরম পাংথোকপা তাঞ্জা অদুমক্তদা ইন্দিয়াগী প্রাইম মিনিষ্টার নরেন্দ্র মোদী মশানা লুচিংলগা, রাষ্ট্র কয়াগী মীহুৎ য়াওনা ৱার্ল্ড ইয়োগা ডে-গী থৌরম অমা মফমদুগী মাইকৈ অমরোমদা চাওরবা থৌরম অমসু পাংথোকখি।
_1687455114.png)
খোঙজং অদুগী মতাংদা মিডিয়াদসু পাক্ শন্না শন্দোকখি
সেভ মণিপুর, স্টোপ ভায়োলেন্স ইন মণিপুর, উই ৱান্ট পিস ইন মণিপুর, সেভ মণিপুর সেভ মৈতৈ, মণিপুরী লাইভস ম্যাটার, সেভ টেরিটরি ইন্টেগ্রিটি অফ মণিপুর হায়বা অকনবা শ্লোগান, প্ল্যাকার্ড কয়া পায়দুনা মফম অসিদা লৈরিবা মরু ওইনা বাংলাদেশকী মৈতৈ অহল-লমন, ইমা-ইন্দোন, নহারোল অমদি অঙাংশিং য়াওনা পুম্নমক্না ইচং থৌনা মণিপুরদা চত্থরক্লিবা হিংসাগী থৌদোক অসি য়ানিংদবা ফোংদোক্তুনা অকনবা খোল্লাও কয়া লাওখি। পনবা য়াবদি, আমেরিকাদা লৈরিবা মৈতৈ ময়ামগী লূপ আমেরিকাস মৈতৈ এসোসিয়েশননা শিনলাংদুনা হয়েং শগোলশেন নুমীৎ, জুন ২২দা অমুক আমেরিকাগী কেপিটাল সিটি ওয়াশিংটন ডিসিদা পীস র্যালীগী অচৌবা খোঙজং অমসু পাংথোক্কনি হায়রি।
প্ল্যাকার্ড কয়া পায়দুনা অকন্বা খোল্লাও কয়া লাওখি
হৌখিবা মে-গী তাং অহুমদগি হৌদুনা কুকি অমদি মৈতৈ কাংলুপ অনিগী মনুংদা থোক্লিবা হিংসাগী ত্থৌরম অসিদা হৌজিকফাও মী চামারোম হেন্না শীখ্রে, য়ুম লিশিং অমা হেন্না মৈ থাখ্রে অমসুং য়ুম মৈ থাবিখ্রবা মীয়োই লিশিং কয়া হৌজিক লৈঙাক্কি শেল্টার মখাদা লৈরিবনি।
0 কমেন্ট:
কমেন্ট তৌবিয়ু