আপডেট:
image

মণিপুরী সাহিত্য পরিষদ, আসামনা মণিপুর লোলগী নুমিৎ পাঙথোকখ্রে

শিলচর, আগস্ট ২২ : আসামদা তোঙান তোঙানবা সংস্থা লুপ কয়ানা পাঙথোকপগুম মণিপুরী সাহিত্য পরিষদ, আসামসু হন্দক চহী ৩১ শুবা মনিপুরী লোলগী নুমিৎ হোটেল জে.সি ইন্টারনেশনেল সার্কিট হাউস রোড, শিলচরদা পাঙথোকখ্রে। হৌনবী মতুং ইন্না সাহিত্য পরিষদকী প্রেসিডেন্ট এনজি জয়কুমারনা থৌরম মপু ওইখি। অদুগা অথোইবা মীথুং ওইনা আসাম য়ুনিভার্সিটিগী ল্যাঙ্গুয়েজ ডিপার্টমেন্টকী ডিন ড.বেলা রাণী দাস অমসুং অখন্নবা মীথুংশিংদি এম মনিহার, কে চন্দ্রশেখর, কেএইচ শ্যাম কিশোর, এস বদরুন নেসা নচিংবা শরুক য়াখি।

সেক্রেটারী কে চম্পকলানা তরাম্না ওকখি অদুগা জেনারেল সেক্রেটারী কেএইচ ধীরেননা কী-নোট এড্রেস পীখি। থৌরম অসিগা মরী লৈননা সংবিধানগী ৮শুবা সেদুল্ডদা লোনবা লোল অমসুং মণিপুরী লোলগী মরমদা ৱাঙাংলোয় কয়ানা মরীকচুম্না ফোঙদোক্নখি। থৌরমদুদা শক্নাইরবা ওজা খরবু ইকাইখুম্নবগা লোয়ননা হাইস্কুল অমসুং সেকেন্ডারী পরীক্ষাদা রেজাল্ট ফরবা মহৈরোই খরবু শক্তাক-চে পীদুনা ওকখি। মথংদা শিলচরগী শক্নাইরবা কবি, সাহিত্য ভূষন আই.এস থিংগোমনা মোডারেটর ওইরগা শৈরেং শৈদিন্নবগী থৌরম অমসু পাঙথোকখি।

 

সোর্স: মরূপ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: