image

মণিপুরগী অইবী সরোজনলিনী খোমদ্রামগী ‘নীংশিং লকানুংদগী’ লাইরিক ফোঙখ্রে

নিউ দিল্ল, দিসেম্বর ২৯ : মণিপুরগী অইবী সরোজনলিনী খোমদ্রামগী ‘নীংশিং লকানুংদগী’ মিংথোনবা লাইরিক অমা ঙসি নিউ দিল্লীগী কনস্তিত্যুসন ক্লবতা লৈবা দিপুতি স্পিকর হোলদা হান্নগী য়ুনিয়ন মিনিস্তর ওব স্তেত ফোর এক্সতর্নেল এফিয়ার্স এন্দ কলচর মিনাকশি লেখিনা চীফ গেস্ত ওইদুনা ফোঙখ্রে।

নেসনেল কম্মিসন ফোর সেদ্যুল ত্রাইবকী মেম্বর ওইবতা নত্তনা ঝারখন্ডগী রাঞ্চিগী হান্নগী মেয়র দাঃ আশা লাক্রানা গেস্ত ওব ওনর অমসুং মণিপুরগী এম পি দাঃ অঙোমচা বিমোল অকোইজমনা প্রিসাইদ তৌদুনা পাঙথোকখিবা লাইরিক ফোঙবগী থৌরম অদু বিবিয়ান রাজাহমসান অমসুং করিসমা ৱাহেংবম অনীনা বসন্ত রাস ঊৎতুনা হৌদোকখি।

লাইব্রেরি ওব মণিপুরনা পাব্লিশ তৌবা ‘নীংশিং লকানুংদগী’ হায়বা লাইরিক অসি সরোজনলিনী খোমদ্রামনা ইবা ৱারী তরেৎকী কলেক্সন অমনি। নুপী অমনা পুন্সিদা থেংনরকপা শাফূ কয়া অমসুং কৈদৌঙৈদা মায় লৈদুনা চেন্দবা থৌনা অদু লাইরিক অসিদা ময়েক শেংনা ফোঙদোক্লি। লাইরিক অসি অইবীগী ৱাখলদা মতম শাংনদগী লোৎতুনা লৈরম্বা নীংশিংবগী মমিশিং অদু অঙৌবা লামায়দা ময়েক ওইনা পুথোরকপনি। ৱারীশিং অসি মহাক্কী ওইবা ৱারী ওইরবসু মণিপুরগী মী কয়াগা মরী লৈনগনি।

লাইরিক অসিদা চেপ্তর ওইনা য়াওরিবা শরুকশিংদি-‘ফোর মাই চিলদ্রেন, লাইফ পার্তনর, ওন দি ওয়ে তু জেল, এ দে ইন লোক অপ, মীতিং দি সামান, এত দি তিচর্স হাউস, ইচে চাওবী, এত দি মিনিস্তর্স ক্বার্তর, মাই ত্রেজর উইদিং গিফ্ত, মাই ব্লেক কাউ, ওথর এক্সপরিএন্স পার্তিসিপেতিং ইন হঙ্গর মার্চ ১৯৬৫’ হায়বা ৱারীশিং অসি য়াওরি। অইবীনা লাইরিক অসি স্তেত অসিদা হৌজিক চত্থরিবা ঈরাং অসিনা শোকহল্রবা অৱাবা তারবা মীয়ামদা কত্থোক্লি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু