বাংলাদেশতা ইন্তরনেসনেল মণিপুরী সাহিত্য সম্মেলন পাঙথোকখ্রে
ইম্ফাল, ডিসেম্বর ২১ : বাংলাদেশ মণিপুরী সাহিত্য সংসদ (বামসাস) না শীন্দুনা নিপাল্লকশুবা ওইনা ইন্তরনেসনেল মণিপুরী সাহিত্য সম্মেলন থা অসিগী ২০ দা সিলেট প্রেস ক্লবতা পাঙথোকখ্রে।
কবি হামোম প্রমোদতা ‘সোনামনি মেমোরিয়েল এৱার্দ ২০২৩’ পীদুনা ইকায়খুম্নবা
সম্মেলন অদু হৌদোকপগী থৌরমদা বাংলাদেশ মণিপুরী সাহিত্য সংসদকী প্রেসিদেন্ত এ কে শেরামনা থৌরম মপু ওইনা শরুক য়ারগা নিলিমা এস. সি. সিনহা ত্রাষ্টকী চেয়ারমেন সিনিয়র এডভোকেট সুরচন্দ্র সিনহা, সিলেট প্রেস ক্লাবকী জেনারেল সেক্রেতরি মোহাম্মদ সিরাজুল ইসলাম, কবি সুমন বণিক, বামসাসকী জেনারেল সেক্রেতরি নামব্রম শংকর, কবি খোইরোম ইন্দ্রজিৎ, ইমামুল ইসলাম রানা'নচিংবশিংসু শরুক য়াখি।
‘মৈরা’ চেফোঙ অমসুং অনন্তকুমার নিশিগী শৈরেং লাইরিক ‘কবিতাই তোমাকে’ ফোঙবা
থৌরম অদুদা বামসাসকী চেফোঙ ‘মৈরা’ গী ৬৪ শুবা মশীং অমসুং কবি অনন্তকুমার নিশিগী শৈরেং লাইরিক ‘কবিতাই তোমাকে’ ফোঙখি। কানাডাদা লৈবা শক্নাইরবা কবি হামোম প্রমোদতা ‘সোনামনি মেমোরিয়েল এৱার্দ ২০২৩’ পীদুনা ইকায়খুম্নখি। অদুবু ত্রিপুরাগী শক্নাইরবা অইবা লাঙ্গোলজম বীরমঙ্গলদা ‘নিলিমা সিনহা মেমোরিয়েল এৱার্দ ২০২৪’ লান্থোক্কদবা অদুদি ভিসা ফংদবনা মরম ওইদুনা শরুক য়াবা ঙমখিদবদগী বামসাসকী প্রেসিদেন্ত এ কে শেরামদা খূৎশিন্নখি।
কবি শেরাম নিরঞ্জননা শৈদিন মপু ওইরগা শৈরেং শৈদিন্নবা থৌরম অমসু পাঙথোকখি।
সোর্স: পোক্নফম
0 কমেন্ট:
কমেন্ট তৌবিয়ু