ভারত সংবিধানগী ৮শুবা সেদ্যুল্ডা চল্লবা লোল অমনা ফংগদবা খূদোংচাবশিং — আই এস থিংগোম
ইংকুমজা ১৯৯২ গী আগস্ট তাং ২০ দা মণিপুরী লোল ভারতকী চৎন পথাপকী নিপালশুবা তাঙ্ককতা চনখিবা মতুংদা ফংলিবা খুদোংচাবশিং মরমদা শম্লপ্না পাউদম অমা মখাদা পীজরি:-
১) এম পি অমনা পার্লামেন্টতা মমালোলনা ৱা ঙাংবগী অয়াবা পীরি। মমালোলনা ৱাশক লৌবা নত্তনা ৱা ঙাংখিবগী খুদম লৈতে। অদুবু খুদোংচাবা অসি ফংননবা ইন্টারপ্রিটার লৌবগী থৌরাংদি লৈখ্রে।
২) নিউ দিল্লীগী রেডিও ষ্টেশন অমদি দুরদর্শণদগী প্রোগ্রাম শন্দোকপগী খুদোংচাবা লৈ। অদুবু মণিপুরী লোলনা পাউ পানবা হোৎনরবসু মহৈদি য়ানবা ঙমদ্রি। তৌববুদি ডি.ডি.কে গী মায়গৈদগী রিজনেল প্রোগ্রামদি চত্থরি।
৩) সেন্ট্রাল সিভিল সার্ভিসন চিংবদা এইট সেদ্যুল্ডা চল্লবা লোলশিং শীজিন্নবা য়াগনি। মণিফুরী লোলসু সাবজেক্ট অমা ওইনা সেন্ট্রাল সার্ভিসকী চাংয়েংদা য়াওবগী খুদোংচাবা ফংলি। পোষ্টেল, ব্যাঙ্কনচিংবদসু খুদোংচাবসি লৈরবনি।
৪) মহিশুর, পুনে, পাতিয়ালা, ভূবনেশ্বরদা লৈবা সেন্ট্রাল ইন্টিটিট্যুট অবা ইন্ডিয়ান ল্যাঙ্গুয়েজেজ (সি.আই.আই.এল) দা মণিপুরী লোলগী মশঙ থমদুনা লোল অসিবু চাওখৎনবা হোৎনরি। মীওই কয়া অমসুং থবক হাপ্পা ঙমখরে।
৫) এন.সি.ই.আর.টি (নেশনেল কাউন্সিল অব এডুকেশনের রিসার্চ এন্ড ট্রেনিং) হায়বসিদসু মণিপুরী লোলগী রিসার্চ অমসুং ট্রেনিং সিলেবাস, টেক্সবুক নচিংবগী থৌরাং চত্থরি। খুদোংচাবা অসি চপচানা ফংলবনি।
৬) মণিপুরী লোলদা নম্বা ফিল্মশিং নেশনেল অমসুং ইন্টারনেশনেল ফিল্ম ফেষ্টিভেলশিংদা শরুক য়াবগী খুদোং চাবা ফংলি। মনা মথুম কয়াসু ফংবা য়াওখ্রে।
৭) ভারতকী শেলয়েক্তে (কারেন্সি নোট) মণিপুরী লোল য়াওবগী খুদোং চাবা লৈরবসু চয়েৎনবা খরা লৈবনা হৌজিক ফাওবা কারেন্সি নোটতা য়াওবা ঙমদদুনা লৈরি।
৮) মণিপুরী লোল অসি মণিপুরদা কম্পলসারী সাবজেক্ট ওইনা তমগদবনি হায়দুনা সরকারগী ৱারেপ লৈখরে। থবক ওইনসু চত্থরি।
৯) থ্রি-ল্যাঙ্গুয়েজ ফর্মুলাগী মতুং ইন্না হিন্দী লোনবা মহৈরোইশিংনা সেদ্যুল্ডা চল্লবা লোল অমা তমগদবনি। মণিপুরীবু থার্ড ল্যাঙ্গুয়েজ ওইনা নবোদয় বিদ্যালয়াদা তম্নরি।
১০) লোল অসি চাওখৎনবগী দমক কেন্দ্র সরকারনা শেল কায়থোক্তুনা লাইরিক ফোঙবা, ট্রান্সলেশন নচিংবদা তেংবাং পীগনি। মণিপুরী ল্যাঙ্গুয়েজ ডেভেলপমেন্ট সেল অমা হাংদোক্তুনা চাওখৎ থৌরাং কয়া পায়খৎলক্লি।
১১) বিবিসি, রেডিও মস্কোদগী রেডিও প্রোগ্রামগী অয়াবা লৈরবসু চত্থবা ঙমদ্রি।
0 কমেন্ট:
কমেন্ট তৌবিয়ু