• 820
• ২৪শে জুলাই ২০২১ ইং
• Share on:

বিষ্ণুপুরিয়া

মখোয়গী অপাম্বসি কনমনখিবদগী কেন্দ্র সরকারগী লোয়শঙ খরদগী ‘বিষ্ণুপুরিয়া’ হায়বা মিংথোন অসিদা চেরোল খরসু থোকখ্রে। সেন্সাসতসু ‘বিষ্ণুপুরিয়া’ হায়না তোঙান্না উৎপা ঙমখ্রে। করিগীদমক ‘বিষ্ণুপুরিয়া’ কৌগদৌরিবনো হায়বগী পান্দমদা ইংরেজী লোননা ইবা লাইরিক অনীখকসু ফোঙখ্রে। হায়রিবা লাইরিকশিং অসিগী মায়োক্তা য়ানিংদবা ফোঙদোক্নদুনা মখোয়গী মরক্তা য়েৎনবা, শাওনবা তৌখিবতা নত্তনা কোর্টকী ৱায়েল ফংননবা হোৎনখিবা য়াওখ্রে। হৌজিক্কী নহারোলশিংনসু মখোয় ‘মণিপুরী’গী শরুক অমনি হায়বগী মহুত্তা ‘বিষ্ণুপুরিয়া’ হায়না মনীং তম্না শক্তাকচবা পাম্মী হায়নরি।

“বিষ্ণুপুরিয়া” হায়রিবা খুনাই অসিগী লোন অমসুং জাতিগী মিং “বিষ্ণুপ্রিয়া মণিপুরী’’ হায়না খংনগদবনি হায়বসি আসাম অমসুং ত্রিপুরা সরকারনা অয়াবা পীরবনি। হায়রিবা মিং অসিবু য়ানিংদবা কাঙলুপ অমা লৈরবসু মখোয়না ফোঙনা শিনবদি তৌখিদে। অদুবু হন্দক মরক চহী খরসিদদি মখোয় য়াম্না কন্না লাওবা হৌরক্লে। মখোয়গী অপাম্বা অদুদি মখোয়গী খুনাইগী মিং অসি ‘বিষ্ণুপুরিয়া’ কৌগদবনি, মখোয় কৈদৌঙৈদসু মণিপুরী নত্তে। মখোয়গী অপাম্বসি কনমনখিবদগী কেন্দ্র সরকারগী লোয়শঙ খরদগী ‘বিষ্ণুপুরিয়া’ হায়বা মিংথোন অসিদা চেরোল খরসু থোকখ্রে। সেন্সাসতসু ‘বিষ্ণুপুরিয়া’ হায়না তোঙান্না উৎপা ঙমখ্রে। করিগীদমক ‘বিষ্ণুপুরিয়া’ কৌগদৌরিবনো হায়বগী পান্দমদা ইংরেজী লোননা ইবা লাইরিক অনীখকসু ফোঙখ্রে। হায়রিবা লাইরিকশিং অসিগী মায়োক্তা য়ানিংদবা ফোঙদোক্নদুনা মখোয়গী মরক্তা য়েৎনবা, শাওনবা তৌখিবতা নত্তনা কোর্টকী ৱায়েল ফংননবা হোৎনখিবা য়াওখ্রে। হৌজিক্কী নহারোলশিংনসু মখোয় ‘মণিপুরী’গী শরুক অমনি হায়বগী মহুত্তা ‘বিষ্ণুপুরিয়া’ হায়না মনীং তম্না শক্তাকচবা পাম্মী হায়নরি।

লাইরিক অনীদুগী মনুঙদা অহানবা ফোঙবা লাইরিকতি Kh. Bidyapati Sinha না ইবা THE MAYANGS BISHNUPRIYAS OR THE BEANGALS (বাঙালস)A MISS-ING LINK লাইরিক অসি ২০১৪ দা ফোঙবনি, লামায় ৭৯ পাল্লি। মখোয়গী হৌরকফম অমসুং লোনগী মরমদতা নৈনবা লাইরিকনি। হৌজিক্কী বেঙ্গলগী মালভূম, কোচবিহারগী রংপুর অমসুং বাংলাদেশকী ময়মনসিং জিলাগী লম খরা য়াওনা শেম্লবা ‘রাঙ্গামাটি’ হায়বা লৈবাক অমা লৈরম্মী। লৈবাক অদুগী কোনুং অদু ‘বিষ্ণুপুর’ কৌরম্মী। মতম অমদা রাঙ্গামটি লৈবাক মরাই চাইথরক্লবদা মী কাঙলুপ অমনা বিষ্ণুপুরদগী লাক্লগা আসামগী খালপাড়াদা ১৮ শুবা চহীচাদা লৈরম্মী অমসুং মথংদা মখোয়না মণিপুর য়ৌনা চৎলগা লামাংদোংদা খুন্দা লৈতারম্মী। অদুনা মখোয়গী হৌরকফম মণিপুর নত্তে হায়রিবনি। ময়াম্নদি বিষ্ণুপ্রিয়া হায়রগা মখোয়বু খংনৈ।

অনীশুবা লাইরিকতি “A brief history of BISHNUPURIYA & ANCIENT BISHNUPUR KINGDOM” –Edited by Nirmalendu Rajkumar, লাইরিক অসি ২০১৯ দা ফোঙবনি। লামায় ৫২ পাল্লি। লাইরিক অসিদা য়াওরিবসি “বিষ্ণুপুরিয়া”গী হৌরকফম অমসুং “বিষ্ণুপুর” লৈবাক্কী মরমদনি। লৈবাক অসি বেঙ্গল, ঝাড়খন্ড অমসুং উড়িষ্যাগী শরুক খরা য়াওনা শেম্বনি। য়াম্না মান্নবা অমনা ১৮ শুবা খৃ: চহী চাদা লৈবাক অসিনা মরাই চাইথরকপগী মরমদি ‘বিষ্ণুপুরিয়াশিং’ অসিনা ‘বিষ্ণুপুর’ থাদোক্তুনা মণিপুরদা চৎখিবদগীনি হায়রি। লাইরিক অসিদদি বিষ্ণুপুর লৈবাক অমসুং বিষ্ণুপুরিয়াশিংগী মনাৎকী মরমদনা হেন্না য়াওই। অদুগা লাইরিক অনীমক্তা মান্নবা অমনা বার্মানা লান্দারকপদগী মণিপুরীশিংগা লোয়ননা মখোয়সু মণিপুর থাদোক্না কাছাড়, ত্রিপুরা অমসুং সিলেট লমদমদা লাঞ্জেল্লি।

‘বিষ্ণুপুর’দগী হৌরকপা মী কাঙলুপ ওইবনা ‘বিষ্ণুপুরিয়া’ কৌবনি অমসুং মণিপুরগী অমত্তা নত্তে হায়বসি মখোয়গী অচেৎপা থাজবনি অমসুং খোল্লাওনি। অদুনা মখোয় মণিপুরী নত্তে-‘বিষ্ণুপুরিয়া’নি।

কার্টেসিঃ মরূপ