বাংলাদেশ মণিপুরী ছাত্র সমিতি (বামছাস)না শিনলাংবা প্রাইমারী অমসুং জুনিয়োর স্কোলারশিপ এক্সাম ২০২৫ পাঙথোকখ্রে
সিলেট, ২৯ নভেম্বর ২০২৫ : বাংলাদেশকী মহৈরোয়শিংগী অরিবা লূপ অমা ওইরিবা বাংলাদেশ মণিপুরী ছাত্র সমিতি (বামছাস) না শিল্লাংদুনা এডুকেশন হায়বদি মহৈ য়াওদনা মতীক চাবা খুন্নাই অমা শেমগৎপা ঙম্লোই হায়বগী ৱাখল্লোনদগী খৃ: কুমজা ১৯৯২ দগী চহি খুদিংগী পাঙথোক্তুনা লাক্লিবগুম্না হন্দক্ক চহিগীসু প্রাইমারী অমসুং জুনিয়োর স্কোলারশিপ এক্সাম ২০২৫ পাঙথোকখ্রে ।
ঙরাং তাং ২৮ নভেম্বর, ইরাই নুমিৎ, অয়ুক পুং ১০ দগী পুং ১২:৩০ ফাউবা বাংলাদেশকী মফম কয়াদা মৈতৈনা খুন্দারিবা খুঙ্গং পুম্নমক্তা সেন্টার তরুক থোক্না খাইদোক্তুনা পুন্না নোংমদা 'স্কোলারশিপ এক্সাম ২০২৫' পাঙথোকখিবনি হায়রি। সিলেট সিটি সেন্টারগী ওইনা মির্জাজাঙ্গাল গার্লস হাই স্কুলদা, মৌলভীবাজার ডিস্ট্রিক্টকী ছোট ধামাই সেন্টারগী - ছোট ধামাই গভ: প্রাইমারি স্কুলদা, জুড়ী কর্মধা সেন্টারগীনা - ভান্ডারীগাঁও মণিপুরী সাংস্কৃতিক একাডেমিদা, ভানুগাছ সেন্টারগীনা - তেতইগাঁও সরকারি প্রাইমারী স্কুলদা, শ্রীমঙ্গল সেন্টারগীনা - শ্রীমঙ্গল গভ: প্রাইমারি স্কুলদা অমসুং হবিগঞ্জ ডিস্ট্রিক্টকী বিশগাও সেন্টারগীনা - গাজীপুর গভ: প্রাইমারী স্কুলদা মতম অমত্তদা পাঙথোকখিবনি। পনবা য়াবদি, হন্দক্কী চহিগী ওইনা ক্লাস মঙা অমসুং ক্লাস নিপাল পুন্না মহৈরোয় ২১২ রোম শরুক য়াখি হায়রি।
বাংলাদেশ মণিপুরী ছাত্র সমিতিগী চীফ এডভাইজর অমসুং চীফ স্পোন্সর ওইবিরিবা অসেম সত্যজিৎ সিংহগী মতেং অমসুং এডভাইজর এল. নন্দলালগী মীৎয়েং মখাদা পাংথোকখিবা স্কোলারশিপ এক্সামগী সিলেট সেন্টারদা পাঙথোকখিবা অসিদা শরুক য়াখি বাংলাদেশ ব্যাংককি এডিশোনেল ডিরেক্টর লিলি রানী দেবী, ডাক্তার বাবলী দেবী, সাইরেম লূকেশ্বর, রাসেল মাইবম অমসুং অর্গানাইজেশন অসিগী প্রেসিডেন্ট ময়েংবম মুকেশ, কালচারাল সেক্রেটারী ইচেল থোইবা, মনিলাল সিংহ য়াওনা অতৈ অতৈ বামছাসকী থৌমী কয়াসু শরুক য়াখি।
অতৈ অতৈ সেন্টারদাসু বামছাসকী মীহুৎ, এডভাইজর অমদি মফম মফমদুগি ওজা কয়ানা শরুক য়াবিখি, মীং ওইনা খরা হাইরবদা কে এইচ বীরেন,ওজা লাভলী দেবী, ওজা সাজ্জাদুল হক (স্বপন), ওজা কে শান্তকুমার সিংহ, কন্থৌজম শিল্পী, স্বপ্নীল সিংহ, সিদ্ধার্থ সিংহ, শোভন সিংহ, গোপাল শর্মা, খোঞ্জেল সিংহনা চিংবা ময়াম শরুক য়াখি।
0 কমেন্ট:
কমেন্ট তৌবিয়ু