বাংলাদেশ অমদি ত্রিপুরাদগী লাকপা মৈতৈশিংগা উনদুনা ৱারী শানখ্রে
ইম্ফাল, জানুয়ারি ১০ : অতোপ্পা মফমশিংদা লৈরিবা মৈতৈ ফুরুপশিংগা তৎন-থানবা য়াদ্রবা অফবা মরী অমা মতম পুম্নমক্তা থম্বা ঙম্নবগী পান্দমদা ইন্সটিট্যুট ওফ দিভেলপমেন্ট ষ্টাদিজ (আই দি এস) মণিপুরনা শীন্দুনা বাংলাদেশ অমদি ত্রিপুরাদগী লাকপা মৈতৈশিংগা উনদুনা পুকমেন-পাউমেন্নবা অমসুং হীরম কয়াদা খন্ন-নৈনবগী থৌরম অমা পাঙথোকখ্রে হায়না আই দি এসকী সেক্রেটারি ইনফোর্মেসন এন্দ পাব্লিসিটি য়ুম্নাম লক্ষনগী চেরোল অমনা ফোঙদোরক্লি।
বাংলাদেশ অমদি ত্রিপুরাদগী লাকখিবা মৈতৈশিং অদুগা আই দি এসকী মেম্বারশিংগা উনখিবা অদু শিংজু য়োকখৎপা লূপ কম্মিটিগী মতেং য়াওনা উনখিবনি। উনবগী থৌরম অদুদা মণিপুরদগী হৌখিবা ফীভম অমদগী মপান্দা লমদা খুন্দাদুনা লৈখ্রবা মৈতৈশিং অদুনা থেংনরিবা অৱা-নুংঙইগী মতাংদা খন্ন-নৈনখি। লোয়ননা মতম চুপ্পদা অফবা মরী লৈবগা লোয়ননা পাউ ফাওননবা ৱারী-ৱাতাই শানখিবগা লোয়ননা মখোয়বু লেংয়ান ফি খুদোল তমদুনা ঈকায় খুম্নবা উৎখি হায়রি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু