বাংলাদেশতা ইন্টারন্যশনাল কনফারেন্স অন মণিপুরী লিটরেচর এন্ড কলচর পাংথোক্কদৌরি
সিলেট, অক্টোবর ২৭ : মণিপুরী লোন-সাহিত্য অমদি ইতিহাস চংখোন্না লৈজবা ফুরুপ অমনি। অদুবু বাংলাদেশতা মশিং লীক্না খুন্দাদুনা লৈবাগী মরমনা মণিপুরী ফুরুপ অসিগী লোন অমদি সাহিত্য পাক শন্না অমদি চাওখৎপগী লম্বীদা থোইনা মতিক চানা খোঙ-থাংবা ঙমদ্রি। অদুনা, লমদমসিদা মণিপুরী লোন অমসুং সাহিত্য মতম মতমদা লান্না উৎপগী নত্রগা অশোয়-অরাল মায়োক্নবগী খুদোংথীবা নংঙি। বাংলাদেশ মণিপুরী সাহিত্য সংসদনা হৌখিবা চহি ৪৭ চুপ্না মায়কৈসিদা লৈরিবা অপল-অথিং কয়াবু কোকহনবতা নত্তনা চাওখৎপগী লমজেলবুসু মপু-মরৈ ফহন্নবা লেপ্তনা হোৎনদুনা লাক্লি। মরম অদুনা, বাংলাদেশ মণিপুরী সাহিত্য সংসদনা চহীগী পাংথোকপগুম কুমসিসু ইন্টরন্যশনাল কনফারেন্স ওন মণিপুরী লিটরেচর এন্ড কলচর’২২ পাংথোক্কদৌরি হায়না লুপ অসিগী চেরোল অমদা ফোংদোরক্লি।
মণিপুরী লোন অমদি সাহিত্যবু চহী ৪৭ চুপ্না থৌগল তৌদুনা লাক্লবা লুপ অসিনা লাক্লিবা ৪ নভেম্বর’২২ ইরাই নুমিৎতা নোংমা চুপ্পমগী থৌরম সিলেট জিলা পরিষদ হোলদা ৭সুবা ইন্টরন্যশনাল কনফারেন্স ওন মণিপুরী লিটরেচর এন্ড কলচর’২২ অমসুং নীলিমা সিনহা মেমোরিয়াল অ্যাওয়ার্ড য়েন্থোকপগী থৌরম পাংথোক্কদৌরি। পল্লিবা থৌরম অসিদা মণিপুরী সাহিত্য পরিষদ, মণিপুর অমদি ত্রিপুরা সাহিত্য পরিষদকী প্রেসিডেন্ট সেক্রেটারী য়াওনা মীওই মাপল শরুক য়াগনি হায়নাসু চেরোল অদুদা ফোংদোরকলি।
0 কমেন্ট:
কমেন্ট তৌবিয়ু