• 596
• ২১শে ফেব্ররুয়ারি ২০২৪ ইং
• Share on:

বাংলাদেশকী অইবা সনাতোন হামোমনা ৱাঙ্খৈ হায় স্কুলগী রিলিফ কেম্পতা লৈরিবশিংদা শেলগী তেংবাঙ পীখ্রে।

ইম্ফাল, ফেব্রুয়ারি ২০ : বাংলাদেশতা লৈরিবা মীতৈশিংগী মরক্তগীদা নত্তনা লৈবাক অদুগী শক্নাইরবা অইবশিংগী মনুংদা অমা ওইরিবা সনাতোন হামোমনা মণিপুরদা লাক্তুনা ঙসি ৱাঙ্খৈ হায় স্কুলদা হাংলিবা রিলিফ কেম্পতা চঙজফম লৌদুনা লৈরক্লিবা নুপী অঙাং য়াওনা মীওইশিংগীদমক অঙম্বা শেলগী তেংবাঙ ওইনা লুপা লিশীং ১০গী মতেং পাংলম্লে হায়রি।

অইবা অসিনা শেলশিং অসি খক্তা নত্তনা মহাক মশানা ইবা ‘অদুঙৈগী নীংতম্বদু’ কৌবা লাইরিক্কী কোপি ১০ সু রিলিফ কেম্প অসিদা লৈরিবা মীওইশিংদা খুদোল তমদুনা য়েন্থোক্লম্লে হায়রি।
পনবা য়াবদি, বাংলাদেশকী শক্নাইরবা অইবা অসি লৈবাক অদুদা লৈবা চাউবা মেমোরিয়েল মণিপুরী ইন্টলেকচুয়েল প্রোপার্টি ম্যুজিয়ামগী ক্যুরেটর ওইনসু থবক তৌরিবীনি। মহাক্না রিলিফ কেম্প অসিদা লাক্তুনা চঙজফম লৌরিবা মীওইশিংগীদমক অঙম্বা শেলগী মতেং পাংলম্বা অমসুং মহাক্না ইবা লাইরিক্কী কোপিশিং খুদোল তম্লম্বদা রিলিফ কেম্প অসিবু চলাইরিবা মীওইশিংগী মায়কৈদগীদা নত্তনা কেম্প অসিদা চঙজফম লৌরক্লিবা মীওইশিংনা ঙমখৈ লৈতনা থাগৎপা ফোঙদোকখি হায়রি।

সোর্স: হুইয়েন লানপাউ