থোইদিংজম তোম্বীগী ‘লাইয়েকপগী তাইবংদা’ ফোঙখ্রে
ইম্ফাল, ফেব্রুয়ারি ১৮ : রাইটার্স ফোরাম ইম্ফালনা শিন্দুনা থোইদিংজম তোম্বীনা ইবা লাইরিক ‘লাইয়েকপগী তাইবংদা’ (নৈন-ৱারেং) ঙসি জৱাহরলাল নেহরু মণিপুর দান্স একাদেমি হোলদা ফোঙবগী থৌরম পাঙথোকখ্রে।
লাইরিক ফোঙবগী থৌরম অসিদা রাইটার্স ফোরাম ইম্ফালগী প্রেসিদেন্ট কৈশাম প্রিয়োকুমারনা থৌরম মপু অমসুং রাইটার্স ফোরাম ইম্ফালগী ভাইস প্রেসিদেন্ট মনুং চন্না সাহিত্যগী পাউগী হান্নগী ইদিটর ওইবীরম্বা পুখ্রম্বম বিপ্রচান্দনা লাইরিক্কী মরমদা মীয়ামদা খঙহনখি।
থোংদিংজম তোম্বী
অইবা থোংদিংজম তোম্বীনা ফোঙদোকখিবদা লাই য়েকপা মী অমসুং মাগী মথৌ মিংথোনবা আর্টকী ৱারেং অমা ১৯৬৬-৬৭ দা স্কুলগী মেগজিন অমদা ফোঙখি। কুইরবগী তুংদা অমুক য়েংলুবদা মসি য়াম্না পানিংবা পোকপা ঙাইহাক্কী ওইনা নুংঙাইনবগী ওন্না তৈনবনি হায়ন খনজখি।
আর্ট হায়বসি মপান্থোংগী নৎতে, মীনুংশিগী মাইকৈদনি। অমরোমদা হায়রগনা হিংবা অমসুং মালেম অনীগী লংদাইদা লৈবা মীওইবগা থাদোক্নবা য়ারোইদবা থম্মোয়গী ইহুলনি খল্লুবদগী ৱারেং অসি হাপচখি। ২০০৫ দগী পাউ-চে অমগী কলমনিষ্ট অমা ওইনা লেপ্তনা অমুক ইরকখি। খঙহৌদনা ইং তপ্পগী ওন্না তৈনবদা কোভিদ-১৯ অমসুং মীতোপ্না লান্দাশিল্লকপদগী তম্বা ঙমদে খন্দুনা য়াম্না থুনা ফোঙদোক্নবা হোৎনরকখি।
রাইটার্স ফোরামগী মরুপ কয়াগা উনবা খুদিংগী অনৌবা ইনোৎ কয়া পীবিরকপদগী লাইরিক অসি ফোঙনিংবদগী থম্মোয়দা মথুম মরাং হৌরকখি। মরু ওইনা ঐনা লিশাং শিৎনা ইরকপদা লমদমসিদা মতম মতমগী থোক্লক্লিবা চৎনবী অরেপ্পা লৈতনা হেনগৎলকপনা ঐগী ৱারেংসু মশিং মরিফুগী মথক্তা হেনগৎলকখি হায়খি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু