আপডেট:
image

বাংলাদেশকি কালচারেল এক্টিভিষ্ট ইবুঙহাল শ্যামলবু ইম্ফালদা তরাম্না ওকখ্রে

ইম্ফাল, জুলাই ২৬: বাংলাদেশতগী হৌজিক হৌজিক মণিপুরদা লেংবিরক্লিবা সোসিয়েল এন্ড কালচারেল এক্টিভিস্ট ইবুঙহাল শ্যামলবু মণিপুরগী তোঙান তোঙানবা মফমশিংদা হরাও তয়াম্না ওকখ্রে। ঙশি অয়ুক পুং ৮.৩০ রোম তাবা মতমদা পেত্রোইটিক রাইটার ফোরাম (পি এ দব্লিয়ু এফ) মণিপুরনা হরাও তয়াম্না ওকখি। থৌরমদুদা ফোরামগী প্রেসিদেন্ট এন খম্বা, সেক্রেটারি রাকেস নাওরেম, ফোরামগী ফোর্মার প্রেসিদেন্ট য়াইস্কুল খ্বাইরাকপম, সেনিয়র মেম্বর ঙাথেম রাবৈচন্দ্র, লাইফ মেম্বার আর কে ভগৎ , অমদি নাওরেম রোমিলাসু শরুক য়াখি।

ফোরামগী লুপ্লোয়শিংনা ইবুঙহালগী মফমদা মণিপুরগী ইয়োং ফি খুদোল তমদুনা ইকায়খুম্নবগা লোয়ননা বাংলাদেশতা লাক্লিবা ওক্টোবর থাদা বাংলাদেশকি নিঙোলশিং নিঙোল চাক্কৌবগী মতাং অমদি বাংলাদেশতা মণিপুর লেঙ্গুয়েজ, লিটরেচর এন্দ কাচলচারগী মরমদা ইন্টারনেশনেল সেমিনার অমা পাঙথোক্নবগী মতাংদা কুপ্না খন্নদুনা ৱারেপসু লৌখি।


পেত্রোইটিক রাইটার ফোরাম (পি এ দব্লিয়ু এফ) মণিপুরনা ইবুঙহাল শ্যামলবু  হরাও তয়াম্না ওকখিবা 

 

থৌরম অদুদা পি এ দব্লিয়ু এফকি সেক্রেটারি রাকেস নাওরেম্না ফোঙদোকখিবদা, ত্রিপুরা অমদি আসামদা মথংসিৎনা কুমজা ২০১৩ অমদি ২০১৬তগী নিঙোল চাক্কৌবগী থৌরম পাঙথোক্তুনা লাকখ্রবা মতুংদা হন্দক চহিসিগী ওইনা বাংলাদেশতা লাক্লিবা ওক্টোবর ২৭তা বাংলাদেশকি নিঙোলশিং নিঙোল চাক্কৌবগী থৌরম পাঙথোক্নবা শেম শাজবগা লোয়ননা মণিপুরী লেঙ্গুয়েজ, লিটরেচর এন্দ কালচারগী মরমদা ইন্টারনেশনেল সেমিনার অমা বাংলাদেশতা পাঙথোক্নবা থৌরাং তৌরে। হায়রিবা থৌরমশিং অসি পাঙথোকপা মতমদা মণিপুর অমদি বাংলাদেশকি ইরৈচাশিংনা সাপোর্ট তৌবিয়ু।

থৌরমদুদা ৱাফম কয়া ফোঙদোক্লদুনা বাংলাদেশতগী লাকখিবা কালচারেল এক্টিভিস্ট ইবুঙহাল শ্যামলনা ফোঙদোকখিবদা, পেত্রইটিক রাইটার ফোরাম মণিপুরনা বাংলাদেশতা শিংথানিংঙাই ওইবা থৌরম কয়া মমাংদা পাঙথোকপিখ্রবা মতুং হন্দক বাংলাদেশকি নিঙোলশিং চাক্কৌবগী থৌরম পাঙথোক্নবা থৌরাং তৌবিরকপা অসিমক তরাম্না ওকই। মরমদি থৌরম অসিনা মণিপুর অমদি বাংলাদেশকি ইরৈচাশিংগী মরক্তা হেন্না নুংশিনবা পুরকপদা চাওনা মতেং পাংলগনি। করিগুম্বা থৌরম অসি পাঙথোরকপা তারগদি বাঙলাদেশকি মায়কৈদগী শোইদনা মতেং পাংনবা শেম শাজগনি।

   জে এন মণিপুর দান্স একাদেমিগী হোলদা পাংথোকখিবা থৌরমদা ইবুঙহাল শ্যামলবু তরাম্না ওকপা

 

নাকল অমরোমদা, ঙসি অয়ুক পুং ১১.৩০ রোম তাবা মতমদা জে এন মণিপুর দান্স একাদেমিগী হোলদা একাদেমি অসিনা শিন্দুনা লমদম তাম্লবা বাংলাদেশতগী মণিপুরদা লাক্লিবা কালচারেল এক্টিবিষ্ট শ্যামলবু একাদেমি অসিগী দিরেক্টর পি বিলাসনানা হরাও তয়াম্না ওকখ্রে। থৌরমদুদা একাদেমি অসিগী ওজা থোকচোম ইবেমুবি, একাদেমি অসিগী সেক্সন ওফিসার একাউন্ট ওজা চোংথাম নবচন্দ্র অমদি কালচারেল এক্টিভিস্ট রাকেস নাওরেমসু শরুক য়াখি।

সোর্স: পান্দম  

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু