বনতারাপুরদা নুমিৎ তরানি চুপ্না মপুং ফানা মণিপুরী জগোইগী ৱার্কশোপ লোইশিনখ্রে
আগরতলা, জানুয়ারী ২০ : মণিপুরী ডান্স একাডেমি কাছার আসাম অমদি বরাক ম্যুজিয়াম এ্যন্ড লাইব্রেরী, বন তারাপুর অনীনা খূৎশম্নরগা নুমিৎ ১০ নি চুপ্পা মণিপুরী জগোই তম্বগী ৱার্কশোপ চৎখিবা জানুয়ারি ১২ দা লোইশিনখ্রে। লাইব্রেরী অসিগী হোলদা লোইশিনবগী থৌরম অমা একাডেমিগী প্রেসিডেন্ট এম রাজমোহননা থৌরম মপু ওইরগা চীফ গেষ্ট ওইনা জে এনএম ডান্স একাডেমীগী প্রধান গুরু ওইরম্বা পিএইচ ইবোতোন সিংহনা ওইখি। গেষ্ট অব অনার ওইনা এম.এল.পি.সি চেয়ারম্যান ড. কে. এন চান্দ, এক্স. ল্যাঙ্গুয়েজ মেম্বার টিএইচ বিশ্বনাথ, কালচারেল ফোরামগী প্রেসিডেন্ট এনজি মধুচন্দ্র, একাডেমি অসিগী এডভাইজর এইচ অমরেন্দ্র নচিংবা শক্নাইরবা মীওই কয়াসু শরুক য়াখি।
ৱার্কশোপতা নুমিৎ ১০ নি চুপ্না শরুক য়াদুনা অঙাং মহৈরোইশিংনা তম্লকখিবা রাস লীলাগী (কুঞ্জ রাস) মপুং ফারবা জগোই খূৎথেক্কী পার্ফোমেন্স খরা উৎপা ওইনা অরোইবদা থৌরম অমসু মায় পাক্না পাঙথোকখি। অসুম্না মখল মথেলগী পূং ঈশৈ জগোই নচিংবা খুদোল তমখ্রবা মহৈরোইশিংদা সার্টিফিকেট লান্থোক্তুনা থৌরম অদু লোইশিনখি হায়না রিশেপশন কমিটিগী চেরোল অমদা হায়রি।
সোর্স: মরূপ
0 কমেন্ট:
কমেন্ট তৌবিয়ু