আপডেট:
image

নেসনেল গেমস মাপননি চনবা নুমিৎতা মণিপুরগী জুদোকা সুনিবালা অমদি বিশালনা গোল্ড অমদি সিলভার লৌখ্রে

ইম্ফাল, অক্টোবর ০৭: গুজরাটনা য়ূম্বু ওইদুনা চত্থরিবা ৩৬ শুবা নেসনেল গেমসকী ঙসি মাপননি শুবা নুমিৎতা মণিপুরনা জুদো মশান্নদা গোল্ড ১ অমদি ব্রোঞ্জ ১ পূন্না মেদেল ২ লৌবা ঙমখ্রে। মণিপুরনা হৌজিকফাওবদা গোল্ড ১৪, সিলভার ৫, ব্রোঞ্জ ১২ পূন্না মেদেল ৩১ ফংবা ঙমখ্রে।

গন্ধীনগরগী মহাত্মা মন্দির এগজিবিসন হোল ৱানদা জুদো মশান্নগী ঙসি শান্নখিবা নুপীগী কেজি ৬৩ মখাগী কাঙলূফকী ফাইনেলদা স্টেটকী জুদোকা ঐচ সুনিবালানা দিল্লীগী মেগোটিকাসপু চাওনা মায়থীবা পীদুনা গোল্ড মেদেল ফংবা ঙমখিবনি। নুপীগী কেজি ৭৮ মথক্কী ঙসি শান্নখিবা ব্রোঞ্জ মেদেল বাউটতা ষ্টেটকী শান্নরোয় উমা চাওহাননা মহারাষ্ট্রগী অপূর্ব মহেশকী মখূৎতা মায়থীহৌদুনা মরিশুবা পেজিসন তাহৌখি।

অতোপ্পা নুপাগী কেজি ৬৬ মখাগী কাঙলূপকী ঙসি শান্নখিবা ব্রোঞ্জ মেদেল বাউটতা ষ্টেটকী জুদোকো কে বিশলানা পাঞ্জাবকী জটিন্দর সিংহবু মায়থীবা পীরম্লগা ব্রোঞ্জ মেদেল ফংবা ঙমখি।

অমরোমদা, গান্ধীনগরগী কনভেন্সন হোলদা ঙসি শান্নখিবা বোক্সিং মশান্নগী নুপীগী কেজি ৫০-৫২ কাঙলূপকী প্রি ক্বার্টর ফাইনেল বাউটতা ষ্টেটকী বোক্সার ওজিবাল থৌনাওজমনা মহারাষ্ট্রগী আরিয়া কুলকর্নিবু য়ুনানিমস দিসিজন ৫-০ দা মায়থীবা পীদুনা ক্বার্টার ফাইনের চঙবা ঙমখ্রে।

অমরোমদা, ৱুশু মশান্নগী ওইনা ঙসি অয়ূক শান্নরোয়শিংগী ওয়েথ ওনবগী থৌরম লোইশিণখিবগা লোয়ননা নুংথিলদা মেনেজার অমদি কোচশিংগী মীটিং পাঙথোকখ্রে। থাংজ নুমিৎকী অয়ূক্তগী হৌদুনা মশান্না অসিগী নুপাগী সেন্দা ইভেন্টকী তোঙান-তোঙানবা ওয়েথ কেটাগোরিশিংগী প্রিলিমিনারি রাউন্দ পাঙথোক্লগনি। নুংথিলগী মতমদনা নুপা অমদি নুপী অনীমক্কী তাওলূ ইভেন্টকী টাইচিক্কান পাঙথোক্লগনি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু