ইম্ফাল, ওক্টোবর ২৫ : মালেমদা শান্তিগী দুত অমনি হায়না লৈবাক্না শীংথানরবা মমীং লৈরবা সেন্ত সাইন্তিস্ত হিজ হোলিনেস ভক্তিস্বরূপ দামোদর স্বামি শ্রীপাদনা লৈখিদবগী ১৭ শুবা নীংশিং থৌরম থা অসিগী ২৪ দা সঙাইপ্রেীদা পাঙথোকখ্রে হায়না ইন্টারনেসনেল সোসাইটি ফোর কৃষ্ণ কন্সিয়সনেসনা থাদোরকপা চেরোল অমনা হায়রি।

চেরোল অসিনা হায়, স্বামি দামোদর ইং ২০০৬ কী আগস্ত ১৬ তা কৃষ্ণ জন্মাষ্টমী নুমিৎকী নুমিদাংদা ইস্কোন কমপ্লেক্সতা জগোয় রাস শানরিঙৈদা খঙহৌদনা বোম পোকখায়রকপদা মী ৬ লৈখিদবগী অকী তুজুংবগী থৌদৈাক অদুদা মহাক্কী খূৎ য়েত্তা বোম্না পান্দুনা শোক্লবা মতুঙদা চহীদুগী ওক্টোবর ২দা কোলকাতাদা লৈখিদবনি।

স্বামিগী ফোতোদা লৈশু কৎপা, হরিনাম সঙ্কির্তন শক শোনবা, গুরু পুজা তৌবা অমসুং স্বামিজিগী মতীক মগুণ শীংথাবনা থৌরম অদুগী মপূং ওইবা শরুক ওইখি। থৌরমদুগী মনুং চন্না হিজ গ্রেস একানাতদাস, মনুদাস অমসুং ব্রজপান দাসনচিংবা ইস্কোনগী সেনিয়ার দিভোতিশিংনা স্বামিজিগী মগুণ শীংথাদুনা মীয়ামদা স্বামি দামোদরবু নৌহৌননা নীংশিংখি হায়রি।

সোর্স: পোক্নফম