আপডেট:
image

ত্রিপুরাদা নেসোগী জেনারেল কনফারেন্স পাঙথোক্তুনা অনৌবা থৌ পুবশিং খনখ্রে

ইম্ফাল, নভেম্বর ২৬ : ত্রিপুরা ষ্টুডেন্টস ফেডারেশন (টি এস এফ) না য়ূম্বু ওইদুনা নোর্থ ইষ্ট ষ্টুদেন্টস ওর্গানাইজেসন (নেসো) গী তরুকশুবা জেনারেল কনফারেন্স ত্রিপুরাগী খুমুলুংদা থা অসিগী ২৪দগী পাঙথোক্তুনা লাকখিবা অদু ঙসি লোইশিনখ্রে। জেনারেল কনফারেন্স অদুদা ইল্লিগেল ইম্মিগ্রেসন, নোর্থ ইষ্টকী ষ্টেটশিং গী ওইরিবা এদজুকেসনগী সিনারিও অমসুং নোর্থ ইষ্টতা ইমপ্লোইমেন্ত অমদি ইকনোমিক দিবেলপমেন্তকী মতাঙদা মরু ওইনা খন্নদুনা রিকম্মেন্দেসন কয়া লৌখি। ত্রিপুরাদা স্পিসিয়েল কনস্তিত্যুসনেল সেফগার্দ পীনবা ৱারেপ লৌখি। নেসো অমসুং অৱাং নোংপোক্কী মীয়াম্না ত্রিপুরাগী ইন্দিজিনাস মীয়াম্বু ঙাক শেন্নবা অমসুং মখোয়গী শক্তম, কালচার অমদি লেন্দ এন্ড নেচারেল রিসোর্সেসকী হক ফংহন্নবা হোৎনবদা মতিং লৈনা লেপকনি হায়বগী ৱারেপসু লৌখি হায়রি।

নোর্থ ইষ্টকী ষ্টেট খুদীংমক্না ইন্নার লাইন পার্মিত চৎনহনবা, অকক্নবা কাট ওফ ইয়ার থমদুনা নোর্থ ইষ্টকী লেমহৌরিবা ষ্টেট খুদীংমক্তা এন আর সি চৎনহনবা, আসামগী এন আর সিগী অমুক হন্না একজামিন তৌবা, আসাম এক্কোর্দ (১৯৮৫) গী প্রেভিজন খুদীংমক ইমপ্লিমেন্ট তৌবা অমসুং আসাম এক্কোর্দকী কমিতি ওন ক্লো-৬ ইমপ্লিমেন্ট তৌনবগী রিকম্মেন্দেসন তৌদুনা কনস্তিত্যুসনেল সেফগার্দ পীবা, অফস্পা ১৯৫৮ নচিংবা তমথিরবা আইনশিং রিপিল তৌবা, সিটিজেনশিপ এমেন্দমেন্ত এক্ত (সি এ এ ) ২০১৯ গী মায়োক্তা লেপ্পা অমসুং রিপিল তৌবা, লেন্দ এন্দ নেচারেল রিসোর্সশিংগী হক পীনবা স্পিসিয়েল কনস্তিতুসনেল ষ্টেটস পীবা অমসুং অৱাং নোংপোক্কী তোঙানবা টাইম জোন লৈহনবা, অৱাং নোংপোক্কী ঈচাউবু নেসনেল প্রোব্লেম ওইনা লাউথোকপা, ইন্টার ষ্টেট বাউন্দারিগী ৱাথোক লোইশনবা অমসুং কোক বোরোক, খাসি অমদি খাসি লোলবু ইন্দিয়ান কনস্তিত্যুসনগী নিপালশুবা সেদ্যুলদা চলহনবা হায়বা মরু ওইবা ৱাফমশিংদা জেনারেল কনফারেন্সনা অমুক হন্না ৱারেপ লৌখি হায়রি।

কনফারেন্স অদুদা নেসোগী ইং ২০২২-২০২৫ গীদমক জেনারেল কাউন্সিলনা থৌ পুগদবশিংসু নোমিনেত তৌখি। নোমিনেত তৌখ্রবশিং অদুদি চীফ এদভাইজরদা দাঃ সমুজাল ভট্টচার্য, এদভাইজারদা উপেন্দ্র দেববর্মা অমদি সিনাপ প্রকাশ সিংহ, চেয়ারমেনদা সেম্যুয়েল বি জির্ৱা, সেক্রেটারি জেনারেলদা মুতসিখোয়ো যোবো, এসিস্তেন্ত সেক্রেটারি জেনারেলদা মনসেং এ সংমা অমদি ৱাংজম সনাতোম্বা মীতৈ, ফাইনান্স সেক্রেটারি জোন দেববর্মা অমসুং কো-অর্দিনেটর ওইনা সঙ্কর জ্যোতি বারুৱা, দেনিয়েল খিরেম, ইজন্থং ঙুলি, প্রিকেশ্বর মোইরাংথেম, ললরেমরুৱাতা লোন্দো অমদি বিকাশ দেববর্মা খনখি হায়রি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু