• 821
• ১৮ই মার্চ ২০২৩ ইং
• Share on:

ত্রিপুরাদগী হরাও নুংঙাইবা ফোঙদোরক্লি

ইম্ফাল, মার্চ ১৭ : শক্নাইরবা অইবা, ক্রিতিক, এদজুকেসনিস্ত প্রোফেসর রাজেন তোইজাম্ববু লৈবাক্কী খোরিরোলগী থাক ৱাংলবা কনস্তিত্যুসনেল প্লেতফোর্ম অমা ওইরিবা সাহিত্য একাদেমি নিউ দিল্লীনা মণিপুরী এদভাইজরি বোর্দকী ‍কনভেনর ওইনা খল্লকপদা মণিপুরী লিতরেরি এন্দ কালচারেল ফোরাম, ত্রিপুরানা হরাও নুংঙাইবা ফোঙদোরক্লি।

ফোরাম অসিগী সেক্রেটারীগী চেরোল অমদা, প্রোফেসার রাজেন তোইজাম্বা সাহিত্য একাদেমিনচিংবা এৱার্দ লেমজনিংঙাই ওইরবা এৱার্দ ফংলবা মশক নাইরবা খোরিরোলগী লমদা নিংতম্না খূৎ থারিবা অইবা অমনি। মহাক ত্রিপুরাদা ফোরাম অসিনা শীনবা থৌরম কয়াদা রিসোর্ছ পার্সন ওইনা শরুক য়াখিবা লৈখ্রে।

আগরতলাগী খোৱাইদা পাঙথোকপা সাহিত্য একাদেমিগী থৌরম অমদা খোংজোম পর্বগী মরমদা সেমিনার পেপার পাখিবসু লৈখ্রে। ত্রিপুরা লমদম অসিদা লৈরিবা মীতৈ ইচিন-ইনাওশিংগা নুংশিবা মরী অমা লৈনরিবা মহাক্না সাহিত্য একাদেমি, মণিপুর এদভাইজরি বোর্দকি কনভেনর ওইরকপদা লমদম অসিগী শোত্থরবা মণিপুরী সাহিত্যনা মকা লাম্না য়েন্নিং হুল্লকপদা মহাক্কী খূৎ অমা শোইদনা লৈরগনি হায়বগী থাজবা লৈ হায়রি।

সোর্স: পোক্নফম