আসামগী মণিপুরী নুপী লুচিংবী সাবিত্রি লৈখিদ্রে
ইম্ফাল, মার্চ ১৭ : আসামদা খুন্দারিবা মণিপুরী নুপী খুন্নাইগী লমজিং লমতাকপী ওইনা মতম শানা মপুন্সি কত্থোক্তুনা লৈরকখিবী খাঙেম্বম নিঙোল থেংঙুজম ওংবী সাবিত্রি দেবী থা অসিগী ১৩ দা লৈখিদ্রে। মশাগী চহী ৮৯ শুরে।
সাবিত্রী দেবী ইং ১৯৪২ দা বাংলাদেশকী সিলেতকী মৌলভীবাজারদা পোকখি অদুগা আসামগী সিঙ্গরবন্দদা চাউরকখি। ইং ১৯৬৯দগী ২০১৩ ফাওবা চহী ৩৬ চুপ্না এল পি স্কুলগী ওজা ওইরম্মী। মতম শাংনা ওল আসাম মণিপুরী উইমেন মৈরা পায়বী কো-ওর্দিনেসন কমিটিগী প্রেসিদেন্ট ওইরম্মী। লক্ষিপুর সাব-দিবিজনগী গ্রীভান্স সেলগী সেক্রেটারি, মণিপুর দিবেলপমেন্ত কাউন্সিল আসামগী ভাইস চেয়ারমেন ওইনসু থৌ পুরম্মী।
মণিপুরী সাহিত্য পরিষদ আসামনা ইং ২০২২ দা সমাজ সেবিকা উপধ্যায় পীদুনা ইকায়খুম্নবসু উৎখি। সাবিত্রি দেবীনা লৈখিদবা অসি মণিপুরী খুন্নাইগী ওইনা মেনশিনবা ঙম্লরোইদবা অৱাৎপা অমদি অদুমক লৈহৌরগনি। মহাক্না লৈখিদবদা ইথনো হেরিতেজ কাউন্সিল (হেরিকোন) না থম্মোয় শোক্না অৱাবা ফোঙদোরক্লি।
সোর্স: পোক্নফম
0 কমেন্ট:
কমেন্ট তৌবিয়ু