ত্রিপুরাগী খুনৌদা লাইরিক অনী ফোঙখ্রে ‘মৈনো নীংশিং মনা’ লান্থোকখ্রে
আগরতলা, সেপ্টেম্বর ১৭ : ত্রিপুরাদা মণিপুরী কলা সংস্কৃতি ঙাক্না থম্বা ঙমনবা লমদম অসিদা মণিপুরী ডেভেলপমেন্ট কাউন্সিল অমা লিংবগী দরকার তারে। কাউন্সিল অসি লৈরবদি মণিপুরীশিং মখোয়গী মনুঙদা পুং ঈশৈ জগোই নচিংবা কলা সংস্কৃতি অসিবু য়োকখৎতুনা পুন্সি মহিংগী লম্বী শেম্বা ঙমগনি। ৱাফম অসি নট শৈশকপা খুনৌগী লৈখিদ্রবা লৈশাংথেম মৈনো সিংহগী মমিংদা কৎপা নীংশিং মনা লান্থোকপগী থৌরমদা চীফ গেষ্ট ওইখিবা এম.এল.এ য়েলাম বীরজিৎ সিংহনা ফোঙদোকখিবনি।
ঙরাং সেপ্টেম্বর ১৬, খুনৌদা মণিপুরী সাহিত্য পরিষদ, ত্রিপুরাগী লমজিং মখাদা পাঙথোকখিবা থৌরম অমদা মনা অসি লান্থোকখিবনি। মনা অসি হন্দক চহী অহানবা ওইনা গৌরনগরগী নট শৈশকপা এন বীর সিংহ অমসুং খুনৌগী পুংয়ৈবা এন মাধব সিংহ অনীদা পীদুনা ইকায় খুম্নখি। থৌরমগা মরী লৈননা এল মৈনোগী বাইওগ্রাফি ‘পাবুংগী পুন্সি ৱারী’ অমসুং এল ধীরেননা ইবা ‘পুন্সিগী লম্বীদা’ হায়বা শৈরেং লাইরিক অমসু ফোঙখি। মনা অসি চহী খুদিং পীবা ঙমনবা এল ধীরেন অমসুং মাগী ইমুংগী মাইকৈদগী লুপা লাখ অনীগী চেক অমা পরিষদতা শিন্নখি। থৌরমদু পরিষদকী প্রেসিডেন্ট এল বীরমঙ্গলনা থৌরম মপু ওইরগা পাঙথোকখিবনি হায়রি।
সোর্স - মরূপ
0 কমেন্ট:
কমেন্ট তৌবিয়ু