ডা. হাওরোংবম রাজমনিদা থিয়াম ইবোচৌবী নেসনেল এৱার্দ লান্থোকখ্রে
ইম্ফাল, সেপ্টেম্বর ৩০ : সাহিত্য থৌপাং লূপ, ইম্ফাল (মণিপুর) না শীন্দুনা ঙসি ওল্ড এসেমব্লি রোদকী মণিপুর লেজিসলেটিভ এসেমব্লিগী ম্যুজিয়াম অমসুং অর্কাইবসকী হোলদা ‘মালেমগী হন্দোকপা নুমিৎ’ (ইন্টারনেসনেল ত্রান্সলেসন দে) পাঙথোকখিবগা লোয়ননা আসামগী কাছারদগী অইবা ডা. হাওরোংবম রাজমনিদা থিয়াম ইবেচৌবী নেসনেল এৱার্দ লান্থোকখ্রে।
থৌরম অসিদা মণিপুর লেজিসলেটিভ এসেমব্লিগী সেক্রেটারি কে মেঘজিৎনা অথোইবা মীথুংলেন ওইরগা নহারোল সাহিত্য প্রেমি সমিটিগী প্রেসিদেন্ট নাওরোইবম ইন্দ্রমনিনা থৌরম মপু ওইখি।
থৌরমগী মনুং চন্না মণিপুরী সাহিত্যবু শক্তাকপদা ত্রান্সলেসননা লৌরিবা থৌদাং হায়বা হীরমদা এম.য়ুগী এসোসিয়েট প্রোফেসর ডা. চিরোম রাজকেটননা ৱা ঙাঙখি। অদুগা মণিপুরী এদভাইজরি বোর্দ (সাহিত্য একাদেমি) গী কনভিনার নোংমাইথেম কিরনকুমারনা চেয়ার লৌদুনা শৈরেং পাথোকপগী থৌরম অমসু পাঙথোকখি।
শৈরেংশিং অদুগী মনুংদা হিজম ইরাবত, এলাংবম নিলকান্ত, লাইশ্রম সমরেন্দ্র, রাজকুমার মধুবির অমসুং শ্রী বিরেননা ইরম্বদগী ইংলিসতা হন্দোক্লবা শৈরেংশিং পাথোকখি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু