• 254
• ৪ঠা জুন ২০২৪ ইং
• Share on:

জিতেন্দ্র নিঙোম্বদা প্রেসিদেন্সিয়েল হ্যুমেনিটরিয়ন এৱার্দ পীরক্লে

ইম্ফাল, জুন ২: কাইট্স ক্রাফ্ট প্রদাক্সননা হোষ্ট ওইদুনা লৈবাক অসিগী তোঙান তোঙানবা প্লেটফোর্মশিংদগী অখন্ননা সোসিয়েল কন্ত্রিব্যুসনদা বেজ তৌদুনা খনগৎলগা পীবা ইন্দিয়ান আইকোন এৱার্দ-২০২৪ গী প্রেসিদেন্সিয়েল হ্যুমেনিটরিয়ন এৱার্দ, কম্মিটি ওন সিভিল সোসাইটি কংলৈপাক (সিসিএসকে) গী প্রেসিদেন্ট জিতেন্দ্র নিঙোম্বদা পীরক্লে হায়রি।

সিসিএসকেগী পাব্লিসিটি সেক্রেটারি নোংথোম্বম গোবিন্দ্র মৈতৈনা থাদোরকপা চেরোল অমনা হায়, ঙরাং জুন চৈচৎ ১দা পাঙথোকখিবা আইআইএগী ৩ শুবা এদিসন্দা মনা অসি ফংলে হায়না লাউথোরকখিবনি।
নীংশিংবা য়াই, জিতেন্দ্র নিঙোম্বা মমাঙ চহীগী সেসন্দা কোকোমিগী কোওর্দিনেটর ওইনা থৌ পুদুনা কুকি নার্কো টেরোরিষ্টশিংগী শোক্নরিবা লান অসিদা লৈবাক্কীদমক অচৌবা থৌদাং লৌরিবা সিভিল সোসাইটি ওর্গানাইজেসনশিংগী লুচিংবা অমনি। লোয়ননা লোইশিন্দ্রিবা লান অসিগী মনুংদা মরাল লৈজদ্রবা মীচম কয়াগী পুন্সি কনবদসু অচৌবা থৌদাং লৌরকখিবা লুচিংবনি।

হৌখিবা চহীশিংদা লৈবাক অসিগী অচৌ-অচৌবা ইস্যুশিংদা মায়পুননা থৌদাং লৌদুনা মীয়াম্বু লুচিংদুনা লাকখিবনি। চহী কয়াগী মমাঙদগী পথাং পূথাং কায়দনা থম্বীরম্লবা ইরমদম কংলৈপাক মণিপুরবু কায়দনবা শেন্নরিবা মীশক অমসুনি।

আইদিয়াজ ওফ মণিপুরনা মাঙদা থম্লগা য়ুনিটি অমসুং ইন্টিগ্রিটিদা থবক তৌরিবা লুচিংবনি। এৱার্দ অসি মণিপুরদগী মীতৈ মচা অনী অমসু ফংই। মখোয়শিং অদুদি খুমুকচম ইবোচৌবা (এসএনও, আরদি এন্দ পিআরও) না লীদরশিপ এৱার্দ ইন ইন্নোভেটিভ এন্দ পাব্লিক রিলেসন্সদনি অমদি ওইনাম থোইবা ৱান ভিজন মণিপুরনা প্রেসিদেন্সিয়েল এৱার্দ ফোর সোসিয়েল ওয়েলফেয়ার এৱার্দ ফংলকখিবনি।
সোর্স: পান্দম