কামরঙ্গাদা মহারাজ গম্ভীর সিংহ লৈখিদবগী ১৮৯ শুবা কুমওন থৌরম পাঙথোকখ্রে
ইম্ফাল, জানুয়ারি ৯ : ঙসি অৱাপলি খুভম নিংশিং লুপ কামরঙ্গ, কাছার, আসামনা শীন্দুনা কাছার ডিষ্ট্রিক্টকী মনুঙ চন্না লৈবা কামরঙ্গদা মহারাজ গম্ভীর সিংহগী লৈখিদবগী ১৮৯ শুবা কুমওন থৌরম মণিপুরগী সোসিয়েল ওয়েলফেয়ার ফিশারিজ, স্কিল, ওন্টারপ্রেন্যুরশিপ, লেবর এন্দ এমপ্লোইমেন্টগী মিনিষ্টার হৈখাম দিঙ্গোনা চীফ গেষ্ট ওইদুনা থৌরম পাঙথোকখ্রে।
ঙসিগী থৌরম অদুদা সোসিয়েল ওয়েলফেয়ার, ফিশারিজ, স্কিল, ওন্টরপ্রেন্যুরশিপ, লেবর এন্দ এমপ্লোইমেন্ট গভর্ণমেন্ট ওফ মণিপুরগী মিনিষ্টার হৈখাম দিঙ্গো, অৱাপলি খুভম নিংশিং লুপ, কামরঙ্গগী প্রেসিদেন্ট সাইখোম মণিমোহন সিংহ, মণিপুরী ডিবলপমেন্ট কাউন্সিল (এমদিসি)গবর্ণমেন্ট ওফ আসামগী চিয়ারমেন রিনা সিংহ, য়ুনাইটেদ কম্মিটি মণিপুরগী কন্সালটেটিব মেম্বার খোমদ্রম রতন, কোওর্দিনেসন কম্মিটি অৱাপলি খুভম নিংশিং লুপ অমদি অম্পালগী চিয়ারমেন অমদি প্রেসিদেন্ট বেনি মিশ্রা, জি কলেজ, সিলচরগী রিটয়ার্দ প্রোপেসার টিঐচ বাবাচন্দ্র সিংহ, জিরিবামগী সোসিয়েল ৱার্কর নামৈরাকপম বুধচন্দ্র, য়ুনাইটেদ কম্মিটি মণিপুর (য়ুসিএম) মণিপুরগী এদভাইজর এল যাদুমণি, য়ুনাইটেদ ক্লাব ওর্গানাইজেসন (য়ুসিও) গী প্রেসিদেন্ট খাইদেম কান্ত, সোসিয়েল ৱার্কার কামাল উদ্দিননা থৌরম অদুদা চীফ গেষ্ট, প্রেসিদেন্ট অমদি গেষ্ট ওফ ওনার ওইনা শরুক য়াখি।
ঙসিগী থৌরম অদুগা মরী লৈননা মিনিষ্টার হৈখাম দিঙ্গোনা ফোঙদোকখিবদা মণিপুরদা হৌজিক লৈরিবা মৈতৈ মচাশিং, মৈতৈ পাঙলশিং পুম্নমকশিং অসি মতম অদুগী অদুগম্লবা থৌনা ফবা মণিপুর ইমাগীদমক্তা থৱায়না পোন্থা পীখ্রবা ইনিংথৌশিংগী চাদা নাওদা ঙাক্তনি। ঙসিদি পৃথিবী শিন থুংনা সনালৈবাক হায়না খঙনরিবা অসিসু মখোয়গী মতিক মগুণ মথৌনাদগীনি। অদুগুম্লবা থৌনা ফবশিংগী চাদা নাওদা ওইবনা ঙসিদি মালেম শিন থুংনা মৈতৈ জাতিগী ওইবা তোঙান তোঙানবা হিরমশিংদা মতিক মগুন উৎতুনা মীয়ামদা শক্তাক্লিবনি হায়না মহাক্না ফোঙদোকখি।
থৌরম লোইরবা মতুঙদা মিনিষ্টার হৈখাম দিঙ্গোনা কাছারগী নরাবিলদা লৈবা লেঙ ওন্দবী পাৎতা চৎতুনা তর্পন কৎখ্রে। খোঙচৎ অসিগা মরী লৈননা মিনিষ্টার দিঙ্গোনা হায়, মণিপুর ইতিহাসকী মরী লৈনবা মফম অসিদা লাকপা ফংজবসি য়াম্না হরাওই হায়না ফোঙদোকখি। খোঙচৎ অসিদা শরুক য়াখিবা কোওর্দিনেসন কম্মিটি অৱাপলি খুভম নিংশিং লুপ কামরঙ্গগী য়াম্না মরুওইবা মফমশিং লেংওন্দবী পাৎ অসিদা লাক্তুনা তর্পন কৎতুনা অমদি মফম অসিবু য়েংশিনবগীদমক থাগৎচরি। মণিপুরী ইতিহাসকা মরী লৈনবা মফম অসিবু প্রোটেক্সন তৌনবা অমদি শেমগৎপীনবা হায়নসু ফোঙদোকখি।
সোর্স: সঙাই এক্সপ্রেস
0 কমেন্ট:
কমেন্ট তৌবিয়ু