আপডেট:
image

কাতারদা জগোয়-ঈশৈগা লোয়ননা ফিফা ৱার্ল্ড কাপ হৌখ্রে

দোহা, নভেম্বর ২০ : ফিফা ৱার্ল্ড কাপ ২০২২ কাতার লৈবাক অসিগী আলখোরিনদা লৈবা আল বায়াত ষ্টেডিয়ামদা জগোয় ঈশেগা লোয়ননা হরাউ তয়াম্না ঙসি হৌদোকখ্রে। হৌদোকপগী থৌরম অদুদা বি টি এস শৈশকপা সাউথ কোরিয়ান জুং কুকনা মহাক্কী অনৌবা ঈশৈ ‘ড্রীমার্স’ খুদোল তমদুনা অয়েংবশিংগী পূক্নিং পেলহনখি অদুগা হোলিউডতা খ্বাইদগী পোপুলার ওইরবা ষ্টার মোর্গান ফ্রীমেননা মহাক্কী হোম, য়ুনিতি অমসুং টোলরেন্স হায়বা পাউজেলদু পীদুনা জুং কুককা মান্ননা ফজবা পারফোর্মেন্স পীখি।

ঈশৈ নোংমাইগী নত্তবা পারফোর্মারশিংগী মনুংদা অমা ওইখিবদি আমেরিকান এক্টর মোর্গান ফ্রীমেননা ওইখি। চহী ৮৫ শুরবা অসিনা থৌরম অসিবু অহিংবগুম্না ওন্থোক্তুনা ‘ইমোসন্স দেট কনেক্ত অজ ওল নাউ’ হায়বগী মতাঙদা ৱারোল অমা পীখি। মসি মিনিট ২০ রোমগী মতম চঙখি অমসুং মালেমগী কাচিন কোয়া থুংবদা লৈবা ওদিয়েন্স মখোয় মখোয়গী স্ক্রীনশিংদগী মীৎফম চোইথোক্তনা লৈনখি।

ফুটবোলনা মালেমদা মশা মরেং ফন্না শন্দোক্লি, লৈবাকশিংবু ফজখ্রবা ফুটবোলগী মখোয়গী নুংশিবা পোক্নরিবা অদুনা অমত্তা ওইনা পূনশিল্লি। মসি লৈবাকশিংবু অমত্তা ওইনা পূনশিন্নবা, কম্যুনিটিশিংবু অমত্তা ওইনা পূনশিন্নবা পোৎশক্নি হায়না ফ্রীমেননা ফোঙদোকখি। অদুম ওইনমক, ফ্রীমেনদা নত্তনা, পুং অমরোম চূপ্না পাঙথোকখিবা থৌরম অদুগী শেংলবা ষ্টারদি বি টি এস কী জুং কুকনা মহাক্কী অনৌবা ফিফা অফিশিয়েল ঈশৈ ‘ড্রীমার্স’ শক্তুনা কেপাসিটি ৬০,০০০ ওইবা ষ্টেডিয়ামদা তিনখিবা পূম্নমক্কী পূক্নিং পেলহনখিবা অদুনা ওইখি। জগোয় শাবশিংনা কোয়শিল্লদুনা, ইন্টারনেশনেল সুপারস্টার অমসুং সাউথ কোরিয়ান সার্পোটারনা ৱার্ল্ড কাপ ওপেনিং সিরোমনি অসিবু হেন্না মগুন হাপকৎখি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু