‘মোইরাং অমসুং মণিপুরী সাহিত্য’ কৌবা লাইরিক অমা ফোঙখ্রে
ইম্ফাল, জুন ২৩ : দাঃ লাইশ্রম কোইরেং সিংহনা ইবা ‘মোইরাং অমসুং মণিপুরী সাহিত্য’ হায়না মিংথোনবা লাইরিক অমা ঙসি হৌনবী মতুং ইন্না নিত্যাইপাৎ চুথেক্তা লৈবা দি আই পি আরগী ওদিতোরিয়মদা ফোঙখ্রে।
অশাংবা কম্যুনিকেসন্স, ইম্ফালনা শীন্দুনা পাঙথোকখিবা লাইরিক ফোঙবগী থৌরম অদুদা মণিপুরী লেঙ্গোইজ এদভাইজরি বোর্দকী ফোর্মর কনভেনর প্রোঃ হুইরেম বিহারীনা চীফ গেস্ত, মণিপুর লেঙ্গোইজ এদভাইজরি বোর্দকী কনভেনর প্রোঃ রাজেন তোইজম্বনা প্রেসিদেন্ত অমসুং রিমসকী দিপার্তমেন্ত ওব ক্লিনিকেল সাইকোলোজি গী ঐচ ও দি ওইরম্বা প্রোঃ ময়েংবম অক্ষয়কুমারনা গেস্ত ওব ওনর ওইনা শরুক য়াখি।
থৌরম অদুদা চীফ গেস্ত ৱারোল পীরদুনা প্রোঃ হুইরেম বিহারীনা, দাঃ লাইশ্রম কোইরেংগী ‘মোইরাং অমসুং মণিপুরী সাহিত্য’ হায়রিবা লাইরিক অসিনা লমদম অসিগী মীয়ামদা অদুক্কী মতীক কান্নবা পীগনি। মহাক্কী লাইরিক অসিদা মোইরাং পুৱারীগী ওইবা মরীক চুম্বা ৱারী কয়া য়াওরি হায়না ফোঙদোকখি।
সোর্স: পোক্নফম
0 কমেন্ট:
কমেন্ট তৌবিয়ু