আপডেট:
image

ৱার্ল্ড পোইট্রি দেগী থৌরম পাঙথোকখ্রে

থৌবাল, মার্চ ২১ : মালেমগী মফম কয়াদা পাঙথোক্নবগুম ককচিংদসু ৱার্ল্ড পোইট্রি দেগী থৌরম পাঙথোকখ্রে। রাইটার্স এসোসিয়েসন ককচিংনা শীন্দুনা ককচিং চুম্লাং লৈকাইদা লৈবা রিপ্রেজেন্টেটিবস ওফ লোইস (রোল) ককচিং ওদিটোরিয়ামদা পাঙথোকখিবা থৌরম অদুদা রাইটার্স এসোসিয়েসন ককচিংগী প্রেসিদেন্ট পুখ্রম্বম নিমাই, ভাইস প্রেসিদেন্ট নাওরেম অমুয়াইমা অমদি মচা চনু ককচিংগী প্রেসিদেন্টসু ওইরিবী ককচিং হায়ার সেকেন্দারি স্কুল ককচিংগী রিটয়ার্দ লেকচারার ডাক্তর নোংমাইথেম প্রমোদিনি দেবীনা থৌরম মপুশিং ওইখি।

ঙসিগী থৌরম অদুদা হন্দক্তা লৈখিদ্রবা শক্নাইরবা অইবশিংসু ওইরম্বা পিপলস ম্যুজিয়ম ককচিংগী ফাউন্দার কাম ডাইরেক্টর ময়াংলম্বম গৌরচন্দ্র অমদি নাওরেম গন্ধারগী পুন্সি অমসুং মখোয়না মীয়ামগীদমক তৌরম্বা থবকশিংগী মরমদা ডাক্তর নোংমাইথেম প্রমোদিনিনা অদুগা ৱার্ল্ড পোইট্রি দেগী মরমদা পুখ্রম্বম নিমাইনা ৱা ঙাঙখি। তুংদা অইবা অইবী কয়ানা শরুক য়াদুনা শৈরেং শৈদিন্নবা অমসু পাঙথোকখি।

শৈরেংশিং অদুগী মরমদা নাওরেম অমুয়াইমনা ৱা ঙাঙখি হায়রি। হন্দক্তা তাইবংপাল থাদোকখ্রবা ককচিংদগী শক্নাইরবা অইবা নাওরেম গন্ধারদা কৎচবা হায়না মীংথোনবা শৈরেংগী নুমিৎকী পালন থৌরম অদু খোরিরোল সন্দোক্লুপ ৱাংজিং, মণিপুর সাহিত্য পরিষদ থৌবাল ডিষ্ট্রিক্ট মশা অমসুং নিঙোল খুৎ মণিপুর ৱাংজিংনা পুন্না খুৎশম্নরগা শিনবনি।

ঙসিগী পালন থৌরম অদুদা খোরিরোল শন্দোক্লুপ ৱাংজিংগী থৌমী লাইশ্রম শ্যামোনা নুংগী ওইবা ৱারোল পীখি। তুংদা শৈরেংগী মতাংদা খন্ন নৈনবা অমসু থৌরম অদুগী শরুক অমা ওইনা পাঙথোকখি। মদুদা নিংথৌ নাওরিয়ানা শৈরেংগী মরমদা খরদং হায়বা হিরমদা, ভোরোৎ সনসমনা শৈরেংদা ইমেজেরি শীজিন্নবা’ হায়বসিদা অদুগা লাইশ্রম জুগেশ্বরনা অঙনবা মতমগী মণিপুরী শৈরেংদা মরৈবাক নিংবগী মীৎয়েং হায়বা অসিদা ৱা ঙাঙখি।

ঙসিগী পালন থৌরম অদু খোরিরোল ৱাংজিংগী প্রেসিদেন্ট তোংব্রম বাবুলান, মণিপুর সাহিত্য পরিষদ থৌবাল ডিষ্ট্রিক্ট মশাগী ভাইস প্রেসিদেন্ট য়ুম্নাম মহেন্দ্রকুমার অমসুং নিঙোল খুৎ মণিপুর ৱাংজিংগী প্রেসিদেন্ট খুন্দোংবম গুনমণি লৈমনা থৌরম মপুশিং ওইনা শরুক য়াখি।

পালন থৌরম অদুগী অনিশুবা শরুক্তা খোরিলাংবা নহাকপম বিরেননা শৈদিন মপু ওইরগা শৈরেং শৈদিন্নবা অমসু পাঙথোক্তুনা পালন থৌরম অদু হেন্না মশক থোকহনখি। শৈরেং শৈদিন্নবা অদুদা পুন্না খোরিলাংবা খোরিলাংবী ৩০ রোমনা মশা মশানা ইজবা শৈরেংশিং পাথোকখি।

সোর্স: সঙাই এক্সপ্রেস

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: