ৱাংজিংদা স্বামী যোগেন্দ্র-নন্দগিরিগী নীংশিং থৌরমগা লোয়ননা লাইরিক ফোঙখ্রে
ইম্ফাল, ওক্তোবর ৪ : খোরিরোল শন্দোকলূপ ৱাংজিংনা শীন্দুনা শ্রীমত পরমহংস স্বামী যোগেন্দ্র নন্দগিরি লৈখিদবগী ৩৭শুবা নীংশিং থৌরম ঙসি খোরিরোল শঙলেন ৱাংজিংগী হোলদা পাঙথোকপগা লোয়ননা নিরু আগরৱালনা হিন্দী লোলদা ইবা ‘সম্পর্ণ’ হায়বা শৈরেংগী লাইরিক্তগী কে শ্যামসুন্দর শর্ম্মান মণিপুরীদা হন্দোকপা ‘কৎ-থোকচবা’ হায়না মিংথোনবা লাইরিক অমসু হৌনবী মতুং ইন্না ফোঙখ্রে।
ঙসিগী থৌরম অদুদা হরি ভক্ত সমাজ লমদিং-ৱাংজিংগী প্রেসিদেন্ত বি নবকিশ্বর শর্ম্মানা অথোইবা মীথুংলেন, খোরিরোল শন্দোকলূপ ৱাংজিংগী প্রেসিদেন্ত তোংব্র বাবুলালনা থৌরম মপু ওইখি।
থৌরম অদুগী অহৌবদা স্বামী যোগেন্দ্র-নন্দগিরি অমদি হন্দক্তা লৈখিদ্রবা শক্নাইরবা অইবা কবিরাজ মোইরাংথেম রাজেন্দ্রগী মফমদা হৈকৎ লৈকৎ তমদুনা ইকায়খুম্নবা ঊৎখিবগা লোয়ননা মিনিত অনী তুমিন্না লেপ্তুনা অৱাবসু ফোঙদোকখি।
থৌরম অদু পাঙথোকপগী মতাঙদা শক্নাইরবা অইবা ভোরোত সনাসমনা নুংগী ওইবা ৱারোল ফোঙদোকখি। ঙসি ফোঙখিবা লাইরিক অদুগী মরমদা দাঃ সনাসম নবদ্বিপনা লাইরিক মশক তাকখি। স্বামী যোগেন্দ্র নন্দগিরি অমসুং স্পিরিচুএলিজম হায়বা হীরমদা শক্নাইরবা অইবা শাইখোম চাওবনা মরীক চুম্না ৱা ঙাঙখি হায়রি।
সোর্স: পোক্নফম
0 কমেন্ট:
কমেন্ট তৌবিয়ু