১০ শুবা সংকীর্ত্তন ডে’ পাঙথোকখ্রে
আগরতলা, দিসেম্বর ৮: মণিপুরী হায়বা ফুরূপসি লৈরিবমখৈদি সংকীর্ত্তন মুৎপগী ৱাফম লৈতে হায়না মণিপুর বিধানসভা স্পীকার থোকচোম সত্যব্রতনা হায়খ্রে। জেএন মণিপুর ডান্স একাডেমি মান্ডপতা পাঙথোকখিবা ১০শুবা ‘সংকীর্ত্তন ডে’ থৌরমদা অথোইবা মীথুংলেন ওইনা শরুক য়ারদুনা মহাক্না হায়খি, তৎন-থানবা য়াররোইদবা নট সংকীর্ত্তন অসি লমদম অসিগী গুরু-ওজা কয়ানা থম্লম্বা মমল য়াম্লবা কলা অমনি।
কলা অসিবু য়ুনেস্কোনা শক খঙবিরবনি। মহাক্না চোইনা চোইনা পাঙথোকপগী মহুত্তা নুমিৎ অসি ষ্টেট লেভেলগী থাক্তা পুন্না নট সংকীর্ত্তন পাঙথোকমিন্নবগী অপাম্বা ফোঙদোকখি হায়রি। থৌরম’দুদা সঙ্গীত নাটক একাডেমি এৱার্ডি এন শ্যামচান্দ, মণিপুর য়ুনিভার্সিটি অব কালচারগী ভাইস চ্যান্সেলর প্রোঃ পাওনম গুনিন্দ্র নচিংবা শরুক য়াখি।
ঐখোয়গী লাই ওইখ্রবা ইপা-ইপুশিংনা থম্বীরম্বা সংকীর্তনগী মশক, চৎন-লোনচৎ, লীক্লম পরী অমদি তৌগদবা তৌরোইদবা পুম্নমক অসি য়াম্না মরীক চুম্না খুন্নাইসিগী দমক্তা থম্বীরম্বনি। ঙসিদি নট সংকীর্তন অসি য়ুনেস্কোগী ইন্টেঞ্জিবল কালচারেল হেরিটেজ লিষ্টতা য়াওরবনি। হৌজিক চৎনরক্লিবা সংকীর্তনগী মশক মতৌ’সিদা নুংনাংবা ফোঙদোক্নখি। ৱাঙাংলোয়শিংনা ঐখোয়গী কালচার শক শোঞ্জরিবা ওজা গুরুশিংনা কলা অসি ঙাক শেন্নবিগনি হায়বা ৱাফমসু ফোঙদোক্নখি।
সোর্স: মরূপ
0 কমেন্ট:
কমেন্ট তৌবিয়ু