হামোম প্রমোদকী লাইরিক ফোঙখ্রে
আগরতলা, ৩১ জানুয়ারি, : শক্নাইরবা কবি হামোদ প্রমোদকী মৈতৈ অমসুং বাংলা ময়েক পুন্না য়াওবা শৈরেং লাইরিক ‘নাকোন্থানা লাকপদা’ অমসুং ৱারেং লাইরিক ‘বাংলাদেশকী অখন্নবা ৱারেংশিং’ আগরতলাদা ফোঙখ্রে। মণিপুরী লিটরেরী কলচারেল ফোরাম ত্রিপুরানা শীন্দুনা লাইরিক অসি ফোঙখি।
_1738736568.jpg)
থৌরমদা মণিপুরী সাহিত্য পরিষদ আসামগী খনগৎলবা প্রেসিডেন্ট ড. ফুরিৎসাবম বীরমনিনা চীফ গেস্ট অদুগা ত্রিপুরাগী সাহিত্য পরিষদকী প্রেসিডেন্ট এল বীরমঙ্গল গেস্ট অব অনার অদুগা ফোরামগী এডভাইজর আরকে তরুণজিৎনা থৌরম মপু ওইখি। থৌরমদা লাইরিক্কী অইবা কবি হামোম প্রমোদসু শরুক য়াখি।
মণিপুরী লিটরেরী সোসাইটিগী সেক্রেটারী নাওরেম রাজেননা শৈরেং লাইরিক অদুগা রিফোর্ম ( রিসার্চ ফোরাম মণিপুর) গী ভি. পি. লোংজম অরুন সমরেন্দ্রনা ৱারেং লাইরিক মশক তাকখি। থৌরম অদু অশাংবা কমিউনিকেশনগী কো অর্ডিনেটর এ. সি নেত্রজিৎনা ওক্না ৱারোল পীখি অদুগা লিটরেরী ফোরামগী সেক্রেটারী খোইস্নাম মংগলনা থাগৎ ৱাহৈ ফোঙদোকখি।
থৌরমগী অরোইবদা কবি হামোম প্রমোদনা মোডারেটর ওইরগা মণিপুরগী থৌদাম শ্যামজাই অমসুং সরোজ খান য়াওনা ত্রিপুরাগী কবি ১৯ না শৈরেং পাথোকপদা শরুক য়াখি।
সোর্স: মরূপ
0 কমেন্ট:
কমেন্ট তৌবিয়ু