স্মার্টওয়াচ মথৌতাবা পোতশক অমা ওইরক্লে
ডিজিটাল ডিভাইস’মা ওইনা স্মার্টওয়াচ হৌজিক্কি মতমদা মিয়াম্না পাম্নরকপা গ্যাজেট অমা ওইনরক্লে। ইশাগী হকচাংবু শেনবদা মখল কয়াগী টুল নত্রগা প্রোগ্রাম শিজনরক্লে। হার্ট মনিটরিং টুল অদুগুম্বা টুল মনুংদা মিয়াম্না পাম্নরকপা অমনি। মার্কেট নৈনরোইশিংনা হায়রি, মসিগী টুলসে মালেমশিৎনা পাম্নরক্লি।
মালেমদা য়োল্লিবা স্মার্টওয়াচ মনুংদা, শরুক ৬০দা ফিচার অসি যাওরে। আইএএনএসকি রিপোর্ট অমদা ৱাফমসে ফোংদোরক্লি। কাউন্টারপোয়েন্ট রিসার্চগী ৱারোন মতুং ইন্না, ফোল ডিটেকশন হায়দি তুশনবা ডিটেকশন তৌবা অমসুং ঈ-দা ওক্সিজেনগী চাং ওনবগি (এসপিওটু) ফিচার তুংদা থোরক্কদবা স্মার্টওয়াচকি মোডেলশিংদা, অরুবা ফিচার’মা ওইনা যাওরক্কনি। স্মার্টওচতা অসিগুম্বা ফিচারসে পাকচাওনা শিজিন্নরক্কনি।
রিসার্চ ডাইরেক্তর জেফ ফিল্ডহ্যাকনা হায়রি, হৌজিক্কি স্মার্টওয়াচতা ব্যাটারীগি মগুন হেনগলক্লে অমসুং প্রোসেসিং পাওয়ার চাওখতলক্লি। মরম অদুনা, চাংনাইনা হার্টকি পালস ওনবা, তুম্বগা লোয়ননা হকচাংগি অতৈ মরম কয়া চাং য়েংবদা গ্যাজেট অসিগি মতেংনা পাংথোকপা ঙম্মি। চার্জকি মতাংদা চিংনদ্রসু য়ারে।
খা কোরিয়াগি কোম্পানী স্যামসাংনা হন্দক ইউএসএগি মার্কেটতা শন্দোরকপা গ্যালাক্সি ওয়াচ থ্রি কৌবা ডিভাইস অসিদা, ইসিজি (ইলেক্ট্রোকার্ডিওগ্রাম) ফিচার হাপ্লক্লে। মার্কেট নৈনবশিংগি মীৎয়েংদা হৌজিক্কি মতমদা অ্যাপোলনা স্মার্টওয়াচকি মার্কেট অয়াম্বা শরুক কন্না লৈরি।
লিতপা য়াবা টেক মখলদা মখোয়গি গ্যাজেটনা অহেনবনি। অ্যাপোলবু মায়কনবদা স্যামসাং মখোয়গি গ্যালাক্সি ওয়াচ থ্রিদা, ঈ-দা ওক্সিজেন ওনবা, তুশনবা ডিটেকশন তৌবা, বিপি ওনবা অমসুং ইসিজি ওনবগি খুদোংচাবা পুথোরক্লে।
রিসার্চার ফিল্ডহ্যাকনা হায়, ‘নুমিত্তগি চার্জ লৌবা টেকনোলোজি শিজিন্নবসে হেনগলক্লগদি, লিতপা য়াবা গ্যাজেট শেম্লিবা কোম্পানীশিং অতৈগা হেন্না চাওখতপা ময়োংদা হকচাং চাংয়েং তৌবগি খুদোংচাবসে পুথোকপা ঙমগনি। ঐখোয় তুংদা ফিটনেস অমসুং হচাং শাজেলগি এপ্লিকেশনশিংগি মরমদা অতৈসু মায় ওনশিনগনি হায়বগি থাজবা থম্লি।’
স্মার্টওয়াচকি মার্কেটতা হৌজিক হৌজিক অ্যাপোল ওয়াচ ওএসকি হেক মখাদা শরুক তরা কন্না লৈরি গুগলগি ওয়্যার ওএস। হুওয়াওয়েগি লাইট ওএম অমসুং অ্যামাজফিটকি অ্যামাজফিট ওএস য়াম য়াংনা পাম্নরক্লি। অসিগি ৱাংমদা হায়রগনা, ফোনগুম্না থবক তৌবা ঙম্বা স্মার্টওয়াচ কয়া পাম্নবা হৌগতলক্লে। হৌজিক মার্কেটতা ফঙলিবা স্মার্টওয়াচশিং শরুক মরিগি মনুংদা শরুক অমা ফোন তৌবা য়াবগি খোদোংচাবা যাওরে।
0 কমেন্ট:
কমেন্ট তৌবিয়ু