সোরোকখাইবম গম্ভীনীদা সাহিত্য একাদেমী এৱার্দ লান্থোকখ্রে
ইম্ফাল, মার্চ ১২ :সাহিত্য একাদেমী ন্যু দেল্লিনা ঙসি ন্যু দেল্লিগী কামনি ওদিটোরিয়ম কোপর্নিকস মার্গতা সাহিত্য একাদেমী এৱার্দ ২০২৩ লান্থোকখ্রে। একাদেমীসিনা কুমজা ২০২৩ গী ওইনা ইন্দিয়াগী তোঙান তোঙানবা ষ্টেটশিংদগী অইবা ২৪ খনগত্তুনা লেমজনিংঙাই ওইরবা নেসনেল সাহিত্য একাদেমী এৱার্দ পীখিবগী মনুংদা ত্রিপুরাগী মণিপুরী অইবী সোরোকখাইবম গম্ভীনীসু য়াওখি।
সোরোকখাইবম গম্ভীনী মশক নাইরবী অইবী, কবি, এদিটর অমসুং হন্দোক্লোই অসিনা ইবা মণিপুরী শৈরেংশিংগী খোমজিনবা লাইরিক ‘য়াচংবা নঙ হল্লো’ হায়বসিদা এৱার্দ অসি পীরকখিবনি। অইবীসি কুমজা ১৯৭১ গী জানুয়ারী ৫ দা ত্রিপুরাগী দলাই দিষ্ট্রিক্টকী মনুংদা লৈবা কমলপুরদা পোকখি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু