সলাম তোম্বা অমসুং লাইশ্রম মণি দেবীদা পীরগনি
ইম্ফাল, দিসেম্বর ১৮ :
লোক্তাক খোর্জৈ লূপ্না মণিপুরী খোরিরোলবু চাওখৎনবা হোৎনবদা খরদং ওইরবসু মতেঙ ওইনবা হায়দুনা লমদম অসিগী খোরিরোলদা লেপ্তনা মমল য়াম্লবা খুদোল তম্লিবা ত্রান্সলেসনগী লমদা শিংথানিংঙাই ওইবা থবক কয়া তৌরিবা অইবশিংদা চহী খুদীংগী পীবা নিংথৌজম নিংথেমজাও নীংশিং মনা (ত্রান্সলেসন), ২০২৪ গী ওইনা শক্নাইরবা ত্রান্সলেতর অমসুং ক্রিতিক সলাম তোম্বনা মণিপুরীদা ‘তমথিবা নিংথমথা অমা’ হায়না ত্রান্সলেসন তৌবা দ্রুব হজারিকাগী ‘এ বোস্ত্রিং উইন্টার’ নোবেল অসিদা পীরগনি হায়রি।
সলাম তোম্বা, সি আই কলেজ বিষ্ণুপুরদগী ভাইস প্রিন্সিপাল ওইরম্মী। ইং ১৯৯৪ দগী হৌনা ঙসি ফাওবদা মণিপুরী খোরিরোলদা মশাগী লাইরিক ১৯ অদুগা ত্রান্সলেসনগী লাইরিক ৮ পুথোক্তুনা মমল য়াম্লবা খুদোল তমখি। শক্নাইরবা অইবা অরাবিন অদিগাগী ‘হ্বাইত তাইগর’ মণিপুরীদা ‘অঙৌবা কৈ’ হায়না হন্দোকপগীদমক ত্রান্সলেতর অমা ওইনা সাহিত্য একাদেমি নিউ দিল্লীনা ইং ২০২২ গী লেমজনিংঙাই ওইরবা ত্রান্সলেসন প্রাইজসু পীদুনা ইকায়খুম্নবা ঊৎখ্রে হায়রি।
লাইশ্রম মণি দেবী
মণিপুরগী কালচার অমসুং ত্রেদিসনবু হিংহল্লিবা লিভিং লিজেন্দস ওইরবা শক্নাইরবা মীওই কয়া লৈরি। মখোয় অদুবু ইকায়খুম্নবা ওইনা লোক্তাক খোর্জৈলূপ্ন খোংজোম পর্ব্বগী শৈশকপু হিংহল্লিবা ওজা ৱাঙু খোঙনাংগী মিংদা কৎপা মনানি ‘ৱাঙু খোঙনাং নীংশিং খোংজম পর্ব্ব মনা ২০২৪' অসি লমদম অসিগী শক্নাইরবী খোংজোম পর্ব্বগী শৈশকপী লাইশ্রম মণি দেবীদা পীরগনি হায়রি।
মনাশিং অসি লাক্লিবা জানুয়ারী ৭ তা পাঙথোক্কদৌরিবা লোক্তাক খোর্জৈ লূপকী ৯শুবা কুমওন থৌরমদা লান্থোক্কনি হায়রি।
সোর্স: পোক্নফম
0 কমেন্ট:
কমেন্ট তৌবিয়ু