সঞ্চালিনা ‘মণিপুরী দান্স এন্দ ম্যুজিক’ হায়বসিদা সেমিনার পাঙথোকখ্রে
ইম্ফাল, ফেব্রুয়ারি ১৭ : সঞ্চালি (এ সেন্তর ফোর পারফোর্মিং আর্ত), হাওবম মরক ঙাঙোম লৈকায়না শীন্দুনা ‘মণিপুরী দান্স এন্দ ম্যুজিক’ হায়বসিদা নোংমগী ওইবা সেমিনার অমা ঙসি জে এন মণিপুর দান্স একাদেমি, ইম্ফালগী ওদিতোরিয়ামদা পাঙথোকখ্রে।
সঞ্চালিগী প্রেসিদেন্ত দাঃ এম থোইবনা প্রিাসইদ তৌখিবা সেমিনার অদু হৌদোকপগী থৌরমদা মণিপুর য়ুনিভার্সিতিগী স্কুল ওব হ্যুমেনিতিজ গী দিন প্রোঃ এস ইমোবা সিংহনা চীফ গেস্ত, মৈতৈ ত্রেদিসনেল দান্স দিরেক্তর দাঃ এলম ইন্দিরা দেবী অমসুং জে এন মণিপুর দান্স একাদেমিগী দিরেক্তর পি বিলাশ অনীনা গেস্ত ওব ওনরশিং ওইনা শরুক য়াখি।
থৌরম অদুদা প্রোঃ এস ইমোবা অমসুং দিরেক্তর পি বিলাশ অনীনা ঙসিগী সেমিনার অসিদা রিসোর্ছ পার্সনশিংনা পাথোক্লিবা পেপরশিং অদু তুংগী মীরোলগীদমক খল্লগা লাইরিক ওইনা ফোঙহন্নিংবগী অপাম্বসু ফোঙদোকখি। প্রোফেসার পি নবচন্দ্র সিংহনা মোদরেতর ওইখিবা সেমিনার অদুগী তেক্নিকেল সেসনদা দি এম য়ুগী এসিস্তেন্ত প্রোফেসার দাঃ এস ঐচ ঘনশ্যাম সিংহ, এম য়ু সিগী গেস্ত ফেকলতি তিঐচ তিলকচান্দ সিংহ, জে এন এম দি এগী হান্নগী প্রধান গুরু পিঐচ ইবোতোন সিংহ, জে এন এম দি এগী হান্নগী প্রধান গুরু এম কামিনীকুমার সিংহ, গবর্নমেন্ত দান্স কলেজগী হান্নগী প্রিন্সিপাল রঞ্জিৎ অধিকারিময়ূম, এম য়ুগী এসিস্তেন্ত প্রোফেসার দাঃ এ রাধামানবী দেবী, পালগী দিরেক্তর এন তিকেন সিংহ অমসুং সঙ্গিত নাতক একাদেমি এৱার্দি তিঐচ চাওতোম্বী সিংহনা রিসোর্ছ পার্সশিং ওইনা পেপারশিং পাথোকখি।
সোর্স: পোক্নফম
0 কমেন্ট:
কমেন্ট তৌবিয়ু