শ্যামল ভতাচরিয়াগী উপন্যাস ‘বুখারি’ লাইরিক অসিগী মপাউ --- তোংব্রম অমরজিৎ
১৯৯০গী মতমদা মালেম শিনবা থুংনা মমিং চৎখ্রবা তমথিবা লানফম অমনি সিয়াচিন গ্লেসিয়রগী লান। ইন্দিয়া অমদি পাকিস্তানগী অকনবা লানফম্নি মফম অসিদা থেংনখিবসিমক। ঙসিসু লৈবাক অনীগী মরক্তা উংখৎনবা লেপত্রি। বেঙ্গলি নোভেলিস্ট শ্যামল ভতাচরিয়া মশামক মতম কুইনা ইন্দিয়ান এয়র ফোর্স্তা থবক তৌদুনা লৈরম্বা অমদি সিয়াচিনদা পোস্তিং তারম্বনা অইবগী এক্সপরিয়েন্স কয়াসু নোবেল অসি শাগৎলকপদা চাওরবা শরুক য়াওরি। অশেংবা ৱারীদা য়ুম্ফম থোন্দুনা ইরকপা নোবেলনি।
লাইরিক্কী মমিং- বুখারি
(ইংলিস ত্রান্সলেসন ২০২০)
অইবা- শ্যামল ভতাচরিয়া
লাইরিক্কী মখল- উপন্যাস
অফোঙবা- সেদোক্রাফট, ত্রিপুরা
লাইরিক্কী মমল- লুপা ৩৯৯/-
লাইরিক্কী মখুম- সুভ্রাসঙ্কর দাস
লমায় মশিং- ২৭০
মালেমসিদা লৈরিবা মীওই বিলিয়ন কয়াগী মরক্তা লান পাম্বদি খরতনি। লান পাম্বশিংনা শক্তি পাম্মি, হিংশা তৌনিংই। মসিদা মশাদি য়াওরোই। লানগী থৌরাং অমদি লাল্লোং য়াৎকনি চৌক্রিদা ফম্লদুনা। মখোয়না শেল, লন-থুম অমদি মীচং খোমগনি। পোলিতিক্স তৌগনি। য়াম্লবা লৈবাক অমগী মীয়াম্বু মখোয় খরনা পুনিংবা, হোইনিংবা মায়কৈদা পুগনি। অদুননি অশেংবতা হায়রক্লিবা, Emma Goldman না (Writer, activist, Canada) “All wars are wars among thieves who are too cowardly to fight and who therefore induce the young manhood of the whole world to do the fighting for them” মনিপুরসু ঙসি লান তৌরি। লোয়শিনবা অমদি শান্তি লাকপগী মহুত্তা কাংলুপ ফুরুপ কয়াগী মরক্তা শিংচেপ থাজিনবা লেপ্পা লৈত্রি। পাৱর পোলিতিক্স, ভোৎ, রিসোর্স মুন্নবা মসিদা চমজরবা মীয়াম্না ভিক্তিম ওইরি। পোলিতিসিয়ানশিংগী মচা মশুশিং লান্দা য়াওদে। মখোয়না শান্তি হায়না লাওগনি আইভোরি তাৱরদা লৈদুনা। অদুনা ইনাকখুনবশিংনা শক্তি মুন্নবগী লান তৌরকপদা লায়রবা ইমুংগী মীওইশিং মরৈবাক্কীনি হায়না থোক্লক্তুনা থৱায় থারি। মীয়াম্বু লায়রবগী পনখৈ মনুংদগী হেন্দোকহন্দবনা শক্তি পায়নিংবশিংগী অপাম্বনি। মরমদি লায়রবা হায়বসি চাকনি ফিদুনা হিংগনি। মসি খঙনা মখোয়না পোলিতিক্স তৌরি। অদুনা Jean-Paul Sartre (Philosopher, activist, writer) না হায়রম্মি, “When the rich make war, it’s the poor that die” মশা মশাগী কান্নবতা য়েংদুনা লৈবাক নিংবা শাবশিংনা খুল্লিংলকপা লৈবাক অমা ওইরক্লবদা Rev. William Sloan Coffin Jr. না হায়রম্লিবা ৱাফম অসিসু নিংশিংনিংঙাইনি। মহাকনা হায়,“The cause of violence is not ignorance. It is self- interest”
১৯৯০গী মতমদা মালেম শিনবা থুংনা মমিং চৎখ্রবা তমথিবা লানফম অমনি সিয়াচিন গ্লেসিয়রগী লান। ইন্দিয়া অমদি পাকিস্তানগী অকনবা লানফম্নি মফম অসিদা থেংনখিবসিমক। ঙসিসু লৈবাক অনীগী মরক্তা উংখৎনবা লেপত্রি। বেঙ্গলি নোভেলিস্ট শ্যামল ভতাচরিয়া মশামক মতম কুইনা ইন্দিয়ান এয়র ফোর্স্তা থবক তৌদুনা লৈরম্বা অমদি সিয়াচিনদা পোস্তিং তারম্বনা অইবগী এক্সপরিয়েন্স কয়াসু নোবেল অসি শাগৎলকপদা চাওরবা শরুক য়াওরি। অশেংবা ৱারীদা য়ুম্ফম থোন্দুনা ইরকপা নোবেলনি। নীংশিংবা য়াই মালেমগী তোঙান তোঙানবা খোরিলোলগী পুক্কৈদা অচৌবা লাঞ্জাও কয়াদা শরুক য়ারুবা লান্মীশিংগী মরক্তা থোইদোক হেন্দোকনা ইবগী লমদা খুৎ থাদুনা মমিং লৈখিবা ঙসিসু শোন্নরিবা অইবা কয়া লৈরি। Ernest Hemingway, Wilfred Owen, Erich Maria, Norman Mailer, Mikhail Sholokhov অসিনচিংবা অফাওবা অইবা কয়া লৈরি। ইন্দিয়াদসু অসিগুম্বা অইবা কয়া লৈরি। মখোয়গী এক্সপরিয়েন্স অমদি মখোয়দা ফাওরক্লিবা পুকনিং ইহুলদি চপ মান্নৈ। লান পামদে। লানফম অমদা লান্মীশিং কয়া শাথিনা অৱাবা ময়োকনরিবা, লান হায়বসি অসুম্না তৌবব্রা হায়বসি থেংনদ্রিবশিংনদি খঙলোই অদুবু হকথেংনরবা লান্মীশিংনদি খঙই লান হায়বদো মীওইবগী খ্বাইদগী তমথিবা য়েকনবনি। ‘বুখারি’ হায়না মিংথোনবা নোবেল অসিদা ইন্দিয়াগী মফম কয়াদগী কেরেক্টর কয়াসু য়াওরি। মহৌশা খূৎশেমগী নিংথিজবা কয়াসু মরিক চুম্না চৈথাবা থেংনৈ। হেন্না পোইটিং অমদি আর্তিস্তিক ওইবা দেস্ক্রিপসনশিং থেংনৈ।
হৌখিবা চহী ২৫ হেনবসিদা ইন্দিয়া অমদি পাকিস্তানগী লান্মীশিংনা থেংনরিবা ফুট লীশিং ২০ হেন্না ৱাংলবা সিয়াসিন গ্লেসিয়ারগী অমনা অমবু মায়থিবা পীবা ঙমদ্রবা লানফম অসিনা লীরিবা ৱারীদি শাথিবা অৱাবা ঙাক্তনি। চাংচৎতা ইন্দিয়ান অমসুং পাকিস্তানি লান্মি ১ নত্রগা অনীদি নিনি হুম্নিদা শিখিবনি। মসিনা ১৯৮৪- ১৯৯৯ ফাওবসিদা পাকিস্তান্নি লান্মী ১৩০০ লোম শিখি। ১৯৯৭ফাওবদা ইন্দিয়া লৈঙাক্কী এস্তিমেট অমদা অসিগুম্বা সিয়াচিনগী ওপরেসন অসিদা লুপা বিলিয়ন ৫০ লোমদি লোয়খি অদুগা লানমী ২০০০ লোমসু অশোক অপন নংখি। লোয়খ্রিবা য়াম্লবা শেনফম অসি ইন্দিয়াদা লৈরিবা মশিং য়াম্লবা মীয়ামদগী খোমগৎলিবা তেক্সকি পৈশানি। শিরিবা লান্মীশিং অয়াম্বনা লায়রবা খুঙ্গং অমদি স্তেত কয়াদগী লাকপা মীওশিংনি। ইশানা ৱানা তাঞ্জবা পৈশাদুনা নোংমৈ লৈরগা লান্দা অমুক শিবা হায়বসি ৱাহন্তোক লৈরিব্রা হায়বসি হংনিংহল্লি অইবনা। সিয়াচিনগী এক্সত্রিম ওইবা অইংবা ৱেডরনা মরম ওইদুনা হেন্নসু শাথিবা ওইখি। সিয়াচিন দা লৈবাক অনীনা উংখৎনরিবা অসিগী ৱাগী ৱারুদি অতৈ নত্তে সিয়াচিনগী নোংচুপ থংবদা লমগী ঙমখৈ য়াৎথোক্তনা লৈবা অসিননি। ১৯৮৪গী মমাংদদি হায়রিবা সিয়াচিনগী মফমসিদা ইন্দিয়া নত্রগা পাকিস্তানগী ওইবা লেংদনা লৈবা ঙাকশেলগী থবক অমত্তা তৌরম্বা লৈতে। সিয়াচিনগী মতাংদা তোক কয়া তৌখিবা লৈরে অদুবু ৱারোইশিন্দি থোইদোকপা লৈত্রি। ঙসিদি গ্লেসিয়ার অসিগী শরুক অহুমগী অনীদি ইন্দিয়ানা পায়শিল্লে। নাকল অমরোমদা অসিগুম্বা তানফম অসিদা চাওখৎলকলিবা লৈবাকশিংদা নোংচুপ লোমগী শক্তি লৈবা লৈবাকশিংনা মখোয়না শাদুনা পুথোকপা লানগী খুচূ-খূৎলাই কয়াগী কৈথেল থিরকপদা ইন্দিয়া, পাকিস্তানগুম্বা লৈবাকনা মখোয়গী তার্গেট কস্তমর ওইরি। মখোয়গী লানগী কৈথেলগী খুৎচু- খুৎলাইগী লান ঔরাইফম ওইনবা অসিগুম্বা লান অসি লেপ্তনা অদুমক তৌবা তারি। অসিগুম্বা শাথিনা তমথিবা লানফম অসিদা মীগা মীগা য়েকহল্লিবসি কনাননো হায়বা ৱাহং অমা হংহল্লি। মীওই লীশিং কয়া অরেম্বদা মথৱায় থারিবা, মীওই লীশিং কয়াবুনা মতম পুম্বগী ওইনা শোইনাইবা ওইহল্লিবা লান, অশি অনা নংলবা কয়াগী ইমুং মনুংগী মিৎকি পী, নুংশিরবা মচা, মনাও, মরুপ মপাং কায়নহল্লিবা লান, মসিদা লৈবাক নিংবা হায়বগী ৱাহন্থোক করিনো হংদবা ঙমদে অইবনা। অসিগুম্বা থৌদোকশিংনা পরেং লেংলিবা নোবেলনি ‘বুখারি’। নোবেল অসিগী প্রোটাগোনিস্ত ওইরিবা অলোককী ডাইরিদগী ৱারীসিগী ফাউন্তেণ ওইহল্লি। ‘বুখারি’গী ৱাহন্থোকসিমক মনিপুরীদা হন্দোকপা তারবদি ‘মৈফু’ হায়বসু য়াই। ইংলবা ইংথম উনলেন মরক্তা লুম্বু লুম্বু শাহনদুনা হকচাংবু অইংবদগী ঙাকথোকপদা তেংবাংলিবা পোৎশক অমনি। অইবনা মসিবু সিম্বোল ওইনা শিজিন্নদুনা অশিবগুম্না ইংপক ইংজিল্লবা, পুকনিং ৱাখল শোন্থারবা, লান অমদি য়েংথিনবনা লাঙ্গোই চল্লবা মীওইবগী থম্মোয়দা আশা অমা পিনিংলি নুংশিবা অমদি শান্তিগী পাউজেল চেন্দুনা। লাইরিক অসিমক মালেমসিদা লৈরিবা লান্মী পুম্নমক্তা কত্থোক্লি। ঙসি মালেমসিদা থেংনরিবা লানগী হৌরকফমদি কেপিটালিসশিংবু শৌগত্তুনা মখোয়দা শক্টি শিন্নবনা মরু ওইবা মরম ওইগনি খল্লি। অশেংবা সোসেলিজমদা থাজবা থম্বা দেমোক্রেসিগী অচুম্বা লীক্লমদা চৎলবদি লান হায়বসিদা কনাসু ইচং থৌরোই। লান মীহৌরিবসি পাৱর পোলিতিক্স তৌরিবশিংননি হায়বদা হায়মনবা থোকলোই। Sir Peter Alexander Ustinov (Actor, writer, filmmaker) না হায়রম্বা ৱাফমসি নৈননিংঙাই ওইরক্লি। মহাকনা হায়, “Terrorism is the war of the poor, and war is the terrorism of the rich”
লাইরিক অসি শ্যামল ভতাচরিয়ানা বেঙ্গলিদা ওরিজিনেল ওইনা ইবনি। হায়রিবা লাইরিক অসিদা অইবদা লেমজনিংঙাই ওইরবা মনা কয়াসু ফংখিবা লৈরে। লোন কয়াদা ত্রান্সলেসন তৌখিবা লৈরে। মসিবু ইংলিস্তা অমুক নহা অইবা সুভ্রশঙ্কর দাসতা হন্দোকপনি। লাইরিক অসি ফোরৱার্দ অমা শ্রী লঙ্কাগী অফাওবা অইবা অয়াথুরাই সন্থাননা ইরি। হায়রিবা অইবা অসিমকসু ইম্ফাল লিটরেচর ফেস্তিবেলদা ২০২২দা লাকলম্লবা অইবনি।
শ্যামল বতাচারিয়া ১৯৬৪দা ত্রিপুরাগী অগরটলাদা পোকখি। হিন্দিদা মাস্তর দিগ্রি ফংবতা নত্তনা পব্লিক এদমিনিস্ত্রেসনসু লোয়শিনখি। অদুগা অমুকসু জর্নেল্লিজমদা পোস্ট গ্রেজ্যুএট দিপ্লোমাসু পাস তৌখি। মধ্য প্রদেসকি ভিক্রমশিলা ভিদ্যপিট উজায়েননা মহাকপু ওনোরেরি দোক্তরেট পিদুনা ইকায়খুম্নবা উৎখি। বেঙ্গলিনা মমালোন ওইজরগসু অতোপ্পা লোন, ইংলিস, পঞ্জাবি, দোগ্রি অমদি রাজঠানি নিংথিজনা খঙবা অইবনি। ১৯৮১- ২০০১ সিদা মহাক ইন্দিয়ান এয়র ফোর্স্টা এয়রক্রাফট কন্ত্রোল্লর ওইনা থবক তৌবা হৌখি। কোন্না ICFAI য়ুনিভর্সিতিদা একাদেমিক মোনিটরিং কোওদিনেটর ওইনা ২০০৪- ২০১০ ফাওবা থবক তৌরমখি অদুগা এদামা ইন্সতিত্যুট ওফ মেনেজমেন্টতা মতম খরসু থবক তৌখি। মসিগী মতুংদা বেঙ্গলি পাউচে সকলবেলাদা এসিস্তেন্ট এদিটর ওইনা ২০১৩ ফাওবা অমুক থবক পুরমখি। হৌজিকনা প্রাইম মিনিস্তর ওফ ইন্দিয়া ওফিস্তা প্রেস ইনফোর্মেসন ব্যুরোদা ত্রান্সলেটর ওইনা থবক তৌরি। উপন্যাস কয়া ফোঙখিবা লৈরে হৌজীক ফাওবদা। বেঙ্গলি অইবশিংগী মরক্তা মহাকসু শিংথানিংঙাই ওইবা লাইরিক কয়া খুদোল তম্লিবা নোভেলিস্ট অমনি।
0 কমেন্ট:
কমেন্ট তৌবিয়ু