image

লৈকোলনা এম কে বিনোদিনিগী চহী ১ চত্থরকপা কুমওন থৌরম পাঙথোকখ্রে

ইম্ফাল, সেপ্টেম্বর ১১ : লৈমরোল খোর্জৈকোল (লৈকোল) না শীন্দুনা এম কে বিনোদিনিগী চহী ১০০ শুবগী মপোক কুমওন নীংশিং থৌরম চহী ১ চূপ্না পাঙথোরকপগী মনুং চন্না থা ৮ শুরকপগী লেকচার থৌরম অমসুং শৈরেং শৈদিন্নবগী থৌরমশিং কৈরাওদা লৈবা খেঞ্জোংলাংগী হোলদা পাঙথোকখ্রে। থৌরম অসিদা খেঞ্জোংলাংগী থিয়েটার দিরেক্টর ডা. এস থানিল লৈমনা স্পোন্সর তৌরগা রাইটারর্স ফোরামগী প্রেসিদেন্ট কৈশান প্রিয়োকুমারনা অথোইবা মীথুংলেন ওইখি অমসুং লৈকোলগী প্রেসিদেন্ট ক্ষেত্রিময়ুম সুবদনিনা থৌরম মপু ওইখি।

ফিল্ম অমসুং থিয়েটার আর্টিষ্ট য়েংখোম রোমানা ফোঙদোকখিবদা এম কে বিনোদিনিনা মণিপুরী ফিল্মগী মতাংদা লৌরম্বা থৌদাং য়াম্না চাওই। থৌদাংসি খক্তা নত্তনা মহাক্না ইরম্বা কয়াসু অদুক্কী মতিক ৱাহন্থোক লৈ। ইরমদম অসিদা লৈরিবা ইপা ইপুশিংনা থম্বীরম্বা ঐখোয়গী লন ওইরবা অমসুং মাঙখিগদৌরবা কয়াবুসু কন্নবগীদমক্তা মহাক্না ইবিরম্বরি। ফিল্ম ওইরবসু মণিপুরদগী ইন্দিয়ানা চহী ৪০০ হান্না পুথোকখ্রবনি। অদুবু ইমাশিনা ইবা ‘ইমাগী নিংথেম’ ফিল্ম অসি ইন্দিয়াগী ওইনা অহান্বা এৱার্দ ফংবা ফিল্ম ওইখি। নন ফিচার ফিল্ম ওইরবসু পুথোক্লম্লিবা অসি লাইনীংগী অমদি থৌদোক কয়াদা শীজিন্নরিবা লা অসি মণিপুরনা শীজিন্নরকপগী মওং মতৌ তাক্তুনা খঙহল্লি।

চাক্লুক লাদা ওইরবসু, পানাগী লাদা, হৈরুক্তা ওইরবসু শীজিন্নবশিং উৎলি। নিংথৌগী লুক কৎপদা ওইরবসু মথেল ১০৮ কৎপগা লোয়ননা লাগা থাদোক্নবা য়াদ্রবা শাগোন্নবগী খেন্নবা কয়া খঙননবা লাগীদমক ডকুমেন্টরি পুথোক্লম্মী হায়খি। মসিদগী হেন্দোক্তুনা উরৈ (ওর্কিদ) শিং মণিপুরদা ফংলম্বা উমংদা ফংবশিংগী মতাংদসু উৎলম্মী। উমং লৈরক্তবদগী উরৈ লৈরক্তবনি। মরম অসিনা মালেমগী মফম অমত্তদা ফংদ্রবা উরৈশিং কঞ্জনীঙবগী ৱাখল্লোন্দা ‘ওর্কিদস ওফ মণিপুর’ সু ইবিরম্মী অদুগা মালেমগী মফম অতৈদা লৈত্রবা লোক্তাক্কী ফুমদিদা লৈরিবা সঙাইবু কন্নীংবগীদমক শা অসিগী মতাংদা বেলে অমসুং আর্টিকলশিংসু পুথোক্লম্মী হায়খি।

থৌরম মপু ওইখিবা লৈকোলগী প্রেসিদেন্ট ক্ষেত্রিময়ূম সুবদনিনা এম কে বিনোদিনিগী চহী ১০০ শুবগী মপোক কুমওন অসি চহী অমা চূপ্না পাঙথোক্কদবগী মনুং চন্না থা খুদিংগী লৈকোলনা পাঙথোরকপনা থা ৮ শুরক্লে। মমাঙদসু লৈকোলনা অইবী থোইবী দেবীগী চহী ১০০ শুবগী মপোক কুমওন থৌরম চহী ১ চূপ্না পাঙথোকখি। হন্দক্না এম কে বিনোদিনিগী মতাংদা পাঙথোক্তুনা খন্ন-নৈনরকপনি। মথংগী কুমজা ২০২৪দনা খাইদেম প্রমোদিনিগীসু চহী ১০০ শুবগী কুমওন পাঙথোক্লগনি। অদুগা মথং থাগী ৮দনা মণিপুর ষ্টেট ফিল্ম দিবেলপমেন্ট সোসাইটিদা অরিবম শ্যামগা খূৎশম্নরগা ‘ওর্কিদস ওফ মণিপুর’ গী মতাংদা নৈনগনি হায়খি।

থৌরমগী মনুং চন্না পাঙথোকখিবা অনীশুবা শৈরেং শৈদিন্নবগী থৌরমদা হান্নগী লৈকোলগী ভাইস প্রেসিদেন্ট চোংথাম সুবদনিনা মীফমলোয় ওইবগা লোয়ননা থৌরম অসিদা শরুক য়াখিবা তোঙান তোঙানবা অইবীশিংনা শৈরেং শৈদিন্নবা অসিদা শরুক য়াদুনা শৈরেংশিং পাথোকখি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু