• 655
• ১৭ই অক্টোবর ২০২৩ ইং
• Share on:

লাইফম্লেন তাকপা লাইরিক ফোঙখ্রে

ইম্ফাল, ওক্তোবর ১৬ : ইম্ফাল ওয়েস্ট দিস্ত্রিক্তকী মনুং চনবা ৱাঙ্গোইদা লৈবা লাইফম্লেন ১০৮ তাকপা ‘লাইনিং থৌ সনামহী লাই কংলা-ৱাঙ্গোইগী লাইফম্লেনশিং তাকপা পুয়া’ হায়না মিংথোনবা লাইরিক অমা ঙসি ফোঙখ্রে।

ৱাঙ্গোই বাজার কম্যুনিতি হোলদা পাঙথোকখিবা থৌরম অদুদা মণিপুর চৈরাপ লোইশঙগী খুরায় লাকপা চিঙাংবম নন্দলাল অঙোমচা, মণিপুর পন্দিত লোইশঙগী পন্দিত অতোম্বা নামৈরাকপম গোজেন, মণিপুর পন্দিত লোইশঙগী পন্দিত ঙরিয়ানবম খোম্বা, লুৱাং নোংশুম শঙগী মেম্বার লোংজম সনাথোই পিবা অমসুং য়ূম্নাম হুইদ্রোম হায় স্কুলগী হান্নগী হেদমাস্তর থৌনাওজম মংলেমনা প্রেসিদিয়াম মেম্বারশিং ওইনা মরুক য়াখি।

মতমগী ইরোলনুংদা তিনখিদুনা কাওথোক্নখ্রবা অদুবু ফুরূপ অসিগা তৎন-থানবা য়াদ্রবা লাইফম্লেনশিং কন্নবা অমসুং হৌরক্লিবা মীরোলশিংদা খঙজহৌনবা ৱাখল্লোনদা লাইরিক অসি ইখিবনি হায়না ঙসি ফোঙখিবা লাইরিক অদুগী অইবা চুংখাম মোধুমঙ্গলনা ফোঙদোকখি। ঙসিগী থৌরম অদুদা লাইওইখ্রবা পন্দিত অচৌবা মঙাগী মফমদসু হৈকৎ-লৈকৎ তমদুনা ইকায় খুম্নবা ঊৎখি।

সোর্স: পোক্নফম