আপডেট:
image

রাসপূর্নিমাঃ মণিপুরীশিংগী চাউরবা কুম্মৈ-থৌরম অমনি – এ কে শেরাম

মণিপুরী রাসজগোই হৌদোকপিরম্বসি মনিপুরগী মিংচৎ চাউরবা ইনিংথৌ রাজর্ষি ভাগ্যচন্দ্রননি। মহাক্না মণিপুরগী গুরু কয়াদংগী মতেঙ লৌদুনা ভাগবত পুরানগী ওয়ারিগী মতুঙ ইন্না মণিপুরদা থায়নঙৈদগী চৎনরক্লবা লাইহরাওবা অমসুং অতৈ অরিবা জগোইশিংদগী খূত্থেক-শাথেক্নচিংবা কয়াদং লৌরগা মণিপুরী রাস জগোই পুথোকপিখিবনি। ১৭৭৯ খ্রিস্টাব্দগী মেরা থানিলদা অহানবা ওইনা শ্রীগোবিন্দজীগী মাঙদা কৎখিবনি। মণিপুরগী মপান্দা মণিপুরী রাসজগোই অহানবা শান্নখিবসি আগরতলাদা ওইগদবা মাল্লি।

মণিপুরীশিংগী মহারাস উৎসব মেরা থানিলদা পাঙথোকই। অদুনা মেরা থানিল নুমিৎসিবু ‘রাসপূর্ণিমা’ হায়নসু কৌই। ঙসি মেরাগী থানিল নুমিৎনি। মহারাস উৎসবকী হরাও তয়াম্বতনা পীক থল্লি মণিপুরীশিংগী থম্মোয়। মফম কয়াদা মহারাস উৎসবকী কুম্মৈ-থৌরম কয়াদং পাঙথোক্নরি। চহী খুদিংগী মতৌগুম্না হন্দকসু বাংলাদেশকী মৌলভীবাজার জলাগী কমলগঞ্জ উপজেলাগী আদমপুরবাজারদা পাঙথোক্লি মণিপুরী মহারাস উৎসবকী কুম্মৈ। তেতইগাঁওদা লৈবা মণিপুরী কালচারেল কমপ্লেক্সকী মমাঙদা মন্ডলি শাদুনা নুমিৎ য়ুংবা মতমদা হৌগনি শ্রীকৃষ্ণগী অঙাং ওইরিঙৈগী লীলা ‘শনশেন জগোই’ নত্রগা ‘রৌখাল জগোই’। নুমিৎ তাবগী মমাঙদা রৌখাল লোইশিনগনি। সন্ধ্যা মতুঙদা মতমগী স্টেজতা পাঙথোক্কনি নৈন-মীফম অমসুং ঈশৈ নোংমাইগী থৌরম। মদুদগী নুমিদাং পুঙ তরামাথোইরোম তাবদা নিপাপালাগা লোইননা মহারাসকী থৌরম হৌগৎকনি। নুমিদাংচুপ্পা রাসজগোই শান্নরগা নোং ঙান্থোরকপদা লোইশিনগনি।

মণিপুরী রাসজগোই হৌদোকপিরম্বসি মনিপুরগী মিংচৎ চাউরবা ইনিংথৌ রাজর্ষি ভাগ্যচন্দ্রননি। মহাক্না মণিপুরগী গুরু কয়াদংগী মতেঙ লৌদুনা ভাগবত পুরানগী ওয়ারিগী মতুঙ ইন্না মণিপুরদা থায়নঙৈদগী চৎনরক্লবা লাইহরাওবা অমসুং অতৈ অরিবা জগোইশিংদগী খূত্থেক-শাথেক্নচিংবা কয়াদং লৌরগা মণিপুরী রাস জগোই পুথোকপিখিবনি। ১৭৭৯ খ্রিস্টাব্দগী মেরা থানিলদা অহানবা ওইনা শ্রীগোবিন্দজীগী মাঙদা কৎখিবনি। মণিপুরগী মপান্দা মণিপুরী রাসজগোই অহানবা শান্নখিবসি আগরতলাদা ওইগদবা মাল্লি। মহারাজ ভাগ্যচন্দ্র ১৭৯৮ খ্রিষ্টাব্দদা তীর্থ কোয়বা থোরকপদা ত্রিপুরা নিংথৌগীদা মতম খরা লৈখি। মতমদুদা মজাইবেম্মা হরিশেশ্বরীবু ত্রিপুরাগী নিংথৌদা থাজবিরম্মি। হরিশেশ্বরীনা আগরতলাদা মন্দির লিঙ্খৎতুনা শ্রীরাধামাধবকী মূর্তি লাৎচখি। মথংগী চহী ১৭৯৯ খ্রিস্টাব্দদগী আগরতলাদা শ্রী রাধামাধবকী মন্দিরদা মেরা থানিলদা মহারাস জগোই কৎপা হৌখি, মদু হৌজিকফাওবা লেপ্তনা চত্থরি।

মণিপুরী জগোইনা মালেম শীনথুংনা শন্দোরকপদা বিশ্বকবি রবীন্দ্রনাথ ঠাকুরগীসু চাউরবা কন্ট্রিবিউশন অমা লৈ। রবীন্দ্রনাথনা ১৯১৯ খ্রিস্টাব্দদা সিলেট কোয়বা লাক্লম্বদা মপা চানরুদুনা মণিপুরী জগোই উখি। মদুগী মমাঙদা মহাক আগরতলাদা ত্রিপুরা নিংথৌগীদা কয়ারক চৎলুরবনি অমসুং মণিপুরী জগোই উরকখ্রবনি। অদুবু সিলেটতা মণিপুরী জগোই অমুক উবদা মহাক্কী ওয়াখলদা করিগুম্ব’মা পোকখি। মতমদু মহাক নৃত্যনাট্য হায়বদি ডান্স-ড্রামা ইরি অমসুং মমোনদা ডান্স-ড্রামাগা চুনগদবা জগোই মখল অমা কন্না থিরম্মি। মণিপুরী জগোই উবদা মহাক্না থিরক্লিবা জগোই মখলদু ওইগনি হায়না থাজখি। সিলেটতগী হনবদা কবি অমুক আগরতলাদা ত্রিপুরা নিংথৌগীদা খরনি পোত্থাখি অমসুং মণিপুরী রাস জগোই য়েংখি। শান্তিনিকেতনদা হল্লগা কবিনা মণিপুরী জগোই তম্বীবা হৌরগে খনবদগী ত্রিপুরাগী নিংথৌদা মণিপুরী জগোইগী ওজামতং থাবিরক্নবা হায়জখি। নিংথৌনা কোনুংগী জগোইগী ওজা ওইনা লৈরম্বা রাজকুমার বুদ্ধিমন্ত সিংহবু শান্তিনিকেতনদা ওজা ওইনা থাবিখি। মহাক্না শান্তিনিকেতনদা মণিপুরী জগোইগী অহানবা ওজানি। অমসুং অদুম্না রবীন্দ্রনাথ ঠাকুরগী খূত্থাং ওইনা মণিপুরী জগোই শান্তিনিকেতনদা অমসুং অতৈ অতৈ মফম কয়াদা শন্দোকপা হৌখি।

রাসপূর্ণিমাগী ঙসিগী পুণ্যতিথিসিদা ঐনা মালেমগী মীওইপুম্বগী য়াইফবা ওইসনু হায়জরি – মালেমসিদগী ফত্তবা, য়েংথিবা পূম্নমক মাঙখ্রসনু – মাঙখ্রসনু খেন্নবা পূম্নমক – অশেংবা সংস্কৃতিগী মঙালদা ঙাল্লসনু মীওইপুম্বগী থম্মোই-পূক্নিং।

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু