রাজর্ষি ভাগ্যচন্দ্রগী ২২৭ শুবা লৈখিদবা কুমওন ইম্ফালদা কনফারেন্স পাঙথোক্কদৌরি
আগরতলা, সেপ্তেম্বর ১৪ : মণিপুরাধিপতি রাজর্ষি ভাগ্যচন্দ্রগী চহী ২২৭ শুবা লৈখিদবগী নীংশিং কুমওন থৌরম লাক্লিবা সেপ্টেম্বর তাং ২৭দগী অক্টোবর তাং ২ ফাওবা অন্ধ্র প্রদেশকী মমিং লৈরবা লাইফম্লেন তিরুপতিদা পাঙথোক্কনি হায়রি। ভাগ্যচন্দ্র লৈখিদবা কুমওনগা মরী লৈননা ‘ইন্টারনেশনেল কনফারেন্স অন রাজর্ষি ভাগ্যচন্দ্র এ্যন্ড শেপীং ওফ মণিপুর্স কালচারেল হোরিজন’ হায়বা কনফারেন্স অমা নুমিৎ নিনি চুপ্না মণিপুর য়ুনিভার্সিটিদা পাঙথোক্কদৌরি।
থৌরম অসি রাজর্ষি ভাগ্যচন্দ্র কলচরেল ফাউন্ডেশন, কলেজ ডেভেলপমেন্ট কাউন্সিল, য়ুনিভার্সিটি এ্যন্ড ডিপার্টমেন্ট ওফ সংকীর্তন মণিপুর য়ুনিভার্সিটি ওফ কলচারনা রাজর্ষি ভাগ্যচন্দ্র কালচারেল রিছার্স সেন্টর, একাডেমি ফোর মণিপুরী কলচার এ্যন্ড আর্ট, সিলেট, বাংলাদেশ, ভারতীয় ইতিহাস সংকলন সমিতি, মণিপুর প্রান্ত, ইন্টেলেকচুয়েল ফোরাম অব নর্থ ইষ্ট, মণিপুরগা খুৎশম্নরগা পাঙথোক্কনি হায়রি। থৌরম অদুদা অখঙ অহৈ, রিসার্ছ স্কোলার কয়াগা য়াওনা ত্রিপুরাদগীসু অখঙ অহৈ মীওই অনীবু শরুক য়ানবা বার্তোন তৌখ্রৈ হায়রি।
সোর্স: মরুপ
0 কমেন্ট:
কমেন্ট তৌবিয়ু