আপডেট:
image

ম্যারাডোনানা পুখৎলম্বা আর্জেন্টিনাবু মেসিনা অমুক্কসু মশক থোকহনগদৌরি

কাতার, নভেম্বর ২৭ : লৈখিদ্রবা অফাওবা ফুটবোল্লার ডিয়েগো ম্যারাডোনানা আর্জেন্টিনাবু ৱাংনা থাঙ্গৎলম্বগুম্না লিওনেল মেসিনসু অমুক্কসু মশক থোকহন্নবগী থাজবা পীখ্রে। বেলোন ডি’ওর এৱার্দ ৭ লক ফংবা ঙমখ্রবা মেসিনা থাংজ নুমিৎতা ম্যারাডোনাগুম্না ৱার্ল্ড কাপ ৮ দা গোল চনবা ঙমখিবগা লোয়ননা মহাক্কী লৈবাক্কী ৱার্ল্ড কাপতা ২১রক শরুক য়াবগী রেকোর্দ থমখ্রে।

লিওনেল মেসিনা ১৮ য়ার্দ বোক্স মপান্দগী নেম্না কাওশিন্দুনা চনখিবা গোলগী মতেংনা আর্জেন্টিনানা মেক্সিকোবু ২-০দা থাংজ নুমিৎকী নোংয়াই মতুং লুসেল ষ্টেদিয়ামদা শান্নখিবা গ্রুপ সী-গী মেটচ অমদা মায়থীবা পীখ্রে। মেসিনা হৌজিক ফাওবদা ম্যারাডোননা ৱার্ল্ড কাপতা শরুক য়াখিবা অমদি গোল চনখিবগী রেকোর্দ মান্নহনবা ঙম্লবসু মহাক্না হন্দক্কী ৱার্ল্ড কাপ অসিগী ট্রোফি থাঙ্গৎত্রিবা ফাওবদি মতম চুপ্পগী অফাওবা হায়বদুমদি ওইবা ঙমখিরোইদৌরি।

পেরিস সেন্ট জার্মেনগী নম্বর ১০ মেসিনা মহাক্কী মঙা শুবা ৱার্ল্ড কাপ শরুক য়াবগা লোয়ননা আর্জেন্টিনাগী ওপেনিং মেটচতা পেনাল্টি অমা চনশিল্লবসু সৌদি আরবিয়ানা গোল হন্দোক্তুনা ২-১ দা মায়থীবা পীরমখিবনি। মেক্সিকোগা শান্নখিবা মেটচ অদুদা টিম অনীনা অহানবা হাফতা গোল অমত্তা চন্নবা ঙম্নদনা দ্রো ওইখি। লিওনেল মেসিনা শান্নবগী ৬৪ শুবা মিনিটতা আর্জেন্টিনাগী অহানবা গোল চনবা ঙমখি। অদুগা অপীবা মতম লোইরমদাইশান্নবগী ৮৭ শুবা মিনিটতা এঞ্জো ফার্নান্দেজনা আর্জেন্টিনাগী মায় পাকপগী ২ শুবা গোল চনাব ঙমখিবনি। আর্জেন্টিনানা মেটচ অনী শান্নবদা পোইন্ট ৩ ফংদুনা গ্রুপ সী গী অনীশুবা মফমদা লৈরি। কাতার ২০২২ অসিগী লাষ্ট ১৬ য়ৌনবগী লম্বীদা মথংগী মেটচ দিসেম্বর ১ দা পোলেন্দগা লম্বা তৌনরগনি।

অমরোমদা, খালিফা ইন্টারনেশনেল ষ্টেদিয়ামদা ঙসি নুমিদাং শান্নখিবা গ্রুপ এফকী মেটচ অমদি ক্রোয়েশিয়ানা কানাডাবু ৪-১ দা মায়থীবা পীখ্রে। কানাডাগী আলফোন্সো দেভিসনা শান্নবা হৌরকপগী ২ শুবা মিনিটতা মেটচকী অহানবা গোল চনবা ঙমখি। এন্দ্রেস ক্রামারিকনা শান্নবগী ৩৬ শুবা মিনিটতা ইক্কেলাইজ গোল চনশিন্দুনা স্কোর ১-১ দা লৈহনখি। মহাক্না মখা তানা শান্নবগী ৭০ শুবা মিনিটতা ক্রোয়েশিয়াগী ৩ শুবা গোল চনখি। মার্কো লিভাজা অমদি লোভরো মেজেরনা শঅন্নবগী ৪৪ অমদি মেটচ লোইরমদাই ইঞ্জ্যুরি টাইমগী ৪ শুবা মিনিটতা মায় পাকপগী ২ শুবা অমদি ৪ শুবা গোল চনবা ঙমখিবনি।

অতোপ্পা, আহমদ বিন অলি ষ্টেদিয়ামদা ঙসি নুংথিল শান্নখিবা গ্রুপ ঈগী মেটচ অমদা কোষ্টারিকানা জাপানপু ১-০ দা মায়থীবা পীখ্রে। কিসের ফুল্লরনা শান্নবগী ৮১ শুবা মিনিটতা কোষ্টারিকাগী মায় পাকপগী অমত্তা ঙাইরবা গোল চনবা ঙমখি। অতোপ্পা নুমিৎাং ৱাইরম আল থুমামা ষ্টেদিয়ামদা শান্নখিবা গ্রুপ এফকী মেটচ অমদা মোরোক্কোনা বেলজিয়ামবু ২-১ দা মায়থীবা পীখ্রে। মোরোক্কগী মায় পাকপগী গোলশিং অদু আব্দুল হামিদ সাবিরি অমদি জাকরিয়া আবোকলালনা শান্নবগী ৭৩ অমদি মেটচ লোইরমদাই ইঞ্জ্যুরি টামগী ২ শুবা মিনিটতা চনবা ঙমখি।   

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: