আপডেট:
image

ম্যান্মার মৈতৈ দিভলপমেন্ট এসোসিয়েসনগী মীফম পাঙথোকখ্রে

ইম্ফাল, ২৮ জুলাই : ম্যান্মার (বর্মা) দা খুন্দারিবা মীতৈ/মৈতৈ, বামোন অপুনবগী লুপ ম্যান্মার মৈতৈ দিভলপমেন্ট এসোসিয়েসন (এম এম দি এ) লিংখৎখিবা চহি অমা মপুং ফারকপগী মীফম অমা থা অসিগী চৈচৎ ২৪ দা পাঙথোকখ্রে হায়না এসোসিয়েসন অসিগী ফাউন্দর মেম্বর এন জি নোমিননা থাদোরকপা চেরোল অমনা ফোঙদোরক্লি।

চেরোল অসিনা হায়, লমদম অসিদা খুন্দারিবা মৈতৈ বামোন অপুনবগী মীফম অসিদা ইন্দিয়াগী এম্বেসি মন্দলেগী মহীহুৎ ওইনা টি বিনোদ অমদি পি অমোসনা মিথুংলেন ওইনা শরুক য়াখি। মীফম অদুদা টি বিনোদনা হায়, মীতৈ/মৈতৈ বামোন লমদম অসিগী অপুনবগী খোংথাং অসি য়াম্না ফৈ। ঐখৈায়না তৌবা য়াবা মতেং অমদি পাংহন্নিংবা লৈরবসু মতেং পাংগে, অপুনবগী খোংথাং লাক্লবনিনা ঐখোয় অমত্তা ওইনা পুনশিল্লকপদা খুদোং চারগনি। টি বিনোদ অমদি পি অমোসনা এম এম দি এদা শেল ওইনা লুপা লিশিং ৭০ মতেং পাংবিরম্বগীদমক থাগৎপসু ফোঙদোকখি।

মমাং চহি ২০২১ দা কোভিদ-১৯গী অহুমশুবা ওয়েব লাকপদা বর্মাদা খুন্দারিবা মৈতৈ, মৈতৈ বামোনশিংগীদমক গভর্নমেন্ট অমদি সি এস ও, মেদিকেল দিপার্টমেন্টতা লৈরিবশিং অমদি মীয়াম্না য়াম্লবা হিদাক লাংথক অমদি মথৌ তাবা ইক্কিপমেন্ট কয়া মতেং পাংবিরকপগীদমক মীয়ামগী মহুৎ শিন্দুনা এম এম দি এনা থাগৎপা ফোঙদোরক্লি।

মীফম অসিদা তৌগদবা হিরম কয়া অমসুং খন্ন নৈনখি। অনা অয়েক লাকপা মতমদা লমদম অসিদা মীতৈ বামোনশিংগী খুদোং চাদবা কয়া লৈবনা এম এম দি এনা এম্বুলেন্স ওইনবা গাড়ি অমা লৈনবা হায়নসু ৱারেপ লৌনখি। মসিদা কনাগুম্বা মীওই গভর্নমেন্ট, সি এস ও, মীয়াম্না মতেং পাংবিনিংবা লৈরবদি এম এম দি এদা পাউ ফাওবিয়ু হায়না চেরোল অসিনা মখা তানা ফোঙদোরক্লি।

সোর্স: পান্দম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু