মালেমগী থাক্তা শীংথানিংঙাই ওইবা থবক তৌবা মণিপুরীশিং এৱার্দকীদমক খল্লক্লে
ইম্ফাল, জানুয়ারি ২২ : চৎলিবা চহী অসিগী জানুয়ারিগী অরোইবা অমদি ফেব্রুয়ারিগী অহৌবদা নুমীৎ নীনি চুপ্না নেপালগী কাটমুন্ডুদা পাঙথোক্কদবা ১৩ শুবা ইন্টারনেশনেল কনফারেন্স ওব দলিট সাহিত্য ২০২৩ গী থৌরমদা মারেমগী থাক্তা তোঙান তোঙানবা হীরমশিংদা শীংথানিংঙাই ওইবা থবক থৌরমশিং তৌবা মীওইশিং মনা পীনবা খল্লকপদা মণিপুরদগী শক্নাইরবা মীওই কয়াসু খল্লক্লে হায়না দলিট সাহিত্য একাদেমী মণিপুরগী সেক্রেটারীনা থাদোরকপা চেরোল অমনা ফোঙদোরক্লি।
নেসনেল অমদি ইন্টারনেশনেল এৱার্দকীদমক খল্লক্লবা মীওইশিং অদুদি তাওবুংখোক্তগী থোকচোম কৃষ্ণতোম্বী, পিশুমথোংদগী খোইস্নাম তোকিও মীতৈ, তন্নুরুই ভিলেজদগী হেদমেন উইংখয়াই, দাইল ভিলেজ দগী সেক্রেটারি অসুলি অঙা, হান্না ডা. অম্বেদকর ফেল্লোশিপ নেসনেল এৱার্দ ফংলকখ্রবা চনম সন্দ্রোক্তগী ধর্মন্দ্র, এদুকেশনদা থোকচোম সুনিলদেব, পুংদোংবমদগী ইরুংবম য়াইস্কুল, লিগেল ফ্রেটনিটিদা সগোলবন্দ তেরা সাপম লৈরক্তগী খ্বাইরাকপম কান্ত, হান্না সোসেল ওন্ট্রপ্রেন্যুরদা ডা. আব্দুল কালাম এৱার্দ ফংখ্রবা চিংমৈরোং নোংচুপতগী করাম অস্নিকান্তনি।
লোয়ননা এক্টিভ সাভির্সতা লমদিং চেরাপুরদগী থোঙ্গ্রাম রাজেশ, ম্যুজিক টিচার অমদি কম্পোজারদা লমদিং এলাংবম লৈকায়দগী বিশো চনম্বম, ওজাগী শিনফমদা অথোকপমদগী খাঙেম্বম রাজধারি, ঈশৈ-নোংমাইগী লমদা হৈরোক্তগী ব্রহ্মচারিময়ুম দেবব্রত শর্ম্মা, মীয়ামগী য়াইফ থৌরাংদা লমজাওদগী য়ুম্নাম রোমেন, থাংমৈবন্দ য়ুম্নাম লৈকায়দগী হেরোজিৎ ঙাংবম, ৱাংজিংদগী য়ুম্নাম ববিদকুমার, এডুকেশন অমদি মীয়ামগী শক্লোনদা কোংবদগী ডা. হাওবম ইন্দুকুমার অমদি কৈশামথোংদগী সোসল এক্টিভিষ্ট রাকেশ মোইরাংথেমসু মনা পীনবগীদমক্তা খল্লকখিবনি।
মালেমগী থাক্তা পাঙথোক্কদৌরিবা থৌরম অসিনা মনা ফংগদৌরিবা মীওইশিংনা একাদেমী অসিগী 7005780125 অমদি 7005239417 তগী অকুপ্পা মরোল খঙবীবা য়াগনি হায়নসু চেরোলদুনা মখাতা তারি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু